Ijeremaya 23:36 - IWE ỌNỊNỊ

³⁶ Asị ẹnịnị vana kà a ka ụtụ ọnị Ẹnẹyịmavara tụ ọnị yị, ka vị aza kụkụ vavọọ aa kà dị ẹ̀ sị sị́ ụkata yị ịrẹyị ẹngụ ẹnị ụvọta nị. Dị ẹ kụkụ sị ịrẹyị Ohomorihi ẹnịnị ana yára, Ẹnẹyịmavara Ochẹtẹẹngụ va ịrẹsụ chi nị.

Ijeremaya 23:36 ပူးပေါင်းရင်းမြစ်များ

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ahẹ Ụgama 12:3

Ẹnẹyịmavara aza ana vavọọ aa kụ́ hworo-hworo di e yee wo otoo zị aanị, navọ wa za wa irenu kụ oku.

Ahẹ Ụgama 120:3

Ẹwụ nịnị onireche ẹnẹnị, sị Ohomorihi vị ana vaa mẹ wụ nịnị kẹ? Ye re ẹngụ ụya ana a vọrọ ka ọ̀ sị rị wụ nịnị?

Ahẹ Ụgama 149:9

Dị ụ vavọọ sị ụya rị anẹkụra nịnị anka Ohomorihi mẹ vịdị chẹrẹ ẹ tịtẹ. Aanị avaba aza Ohomorihi mẹ̀ vaa nyị ehuna nị. Waa kụ́ Ẹnẹyịmavara avọ nịnị.

Ahẹ Ụgama 64:8

Ohomorihi vaa mẹ ka ịrẹyị ẹnị ẹ kà ọ̀ và ka wa na, dị ahịka oni vú wa ẹtẹ nị Aza ene èe re wa vee henyi ịrẹsụ, di ee nyị wa unyi.

Ụhịrẹyị 17:20

É mē zee yi ọza eneē ro ịrẹyị edivi, ọza ọnị irenu anị ẹ yị mā kà ọyịza, e mē re ọyịza, odivi-odivi oō tu ọ nị.

Ayịsaya 28:22

Ụ màa wụ́ ịrẹyị ọnọnị nịnị aanị, asị ụ mẹ̀ isiya nịnị. Wàa sị mẹ̀ isiya nịnị, ẹ yị nyị ịsị aa mẹ dị wa zụ há ịnị ịrẹkụ ọnọọ nịnị. Ẹnẹyịmavara Ochẹtẹẹngụ ọ raà kà a mị ka ọnị ọ sị ọ kà ka à wụ̀ avaba aza ene hi ịnị ẹtẹ ọnọọ.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 23:37

Ẹnẹyịmavara kà Ijeremaya ọ̀ họ̀ ọnịsẹ nịnị use ka: ohi sị Ẹnẹyịmavara va tụ́ wa da? Ọ́ mẹ vana va ka kẹ?

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Imatiwu 12:36

Ama dị ma kà a wụ nịnị, avaba ịrẹyị kẹnẹ-kẹnẹ ọnị ọza ọ̀ọ kà, ọ vaa hụ agụvị avọọ kụ́ irenu anị ịnị ẹkụhị ọkarẹyị.

Iruuku 19:22

Dị ọga anị kà a yọ ka: ‘Ẹwụ ozi ahụ odivi ọnọnị! Ịrẹyị irenu awụ m maa sịị mẹ̀ ọkarẹyị awụ nị. Wâ yẹ ka ọza ọkatẹngụ mị vị nị; dị maa sị ịsa ọnị mẹ̀ yị sị tịtẹ, dị mị raa há ịsa oni mè yi chire nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Anigaratiya 6:5

Ọzọza ọnị ụvọta ọ vaa kà enube ẹngụ anị nị.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

2Ipita 3:16

Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.