Ijeremaya 23:29 - IWE ỌNỊNỊ

²⁹ Ọ kà ịrẹyị ọnị ọnị ka vị ana sị mẹ anka ịra avọọ, dị ọ rẹ sị mẹẹ anka ịhama ana sị chaka ịrẹta avọọ nị.

Ijeremaya 23:29 ပူးပေါင်းရင်းမြစ်များ

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 5:14

Ijeremaya ka, agụvị avọọ, dị Ẹnẹyịmavara Ohomorihi Ochẹtẹẹngụ va kà a yị ọnị ka, agụvị ẹngụ ịrẹyị ọnị aza ẹnẹnị aa kà aanị, ọnị vaa mẹ ka avaba ịrẹyị anị ọnị ọnị Ijeremaya vaa ka ọ̀ sị mẹẹ anka ịra avọọ, dị aza ẹnịnị ẹnị ẹ̀ sị mẹẹ anka ọkụ avọọ, dị ịra ọ̀ rị wa ịra va ha.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

Iruuku 24:32

Dị ẹ kụkụ aa kà a yị ẹngụ ka, “Wee re, áyị ayị màa jị pee-pee, o mèe beri eyii kà ịrẹyịị vẹ óze, dị aa sị ịrẹyị Iwe Ohomorihi zụ̀ yị?”

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Odeyi 2:3

Di e re ịsa ana yà anka ịrarẹ ịra avọọ, dị ọ gà, dị ọnyọọnya na yà ịrẹsụ ọzịnya-ọzịnya nị.

Odeyi 2:37

Aza ẹnẹnị mẹ̀ wụ́ ịrẹyị ẹnẹnị, ayị ẹnịnị ẹ sị sụ̀ enyi. Dị ẹ kà a yị Ipita ọnịrị odeyi nịnị ana vọ, dị ẹ ka, “Ẹwụ nịnị ẹyịnyara amị, sị a vọrọ ka ya mẹ?”

2 Anịkọrịntị 2:16

Yị aza ene ee vu ẹtẹ, vị ị sị mẹẹ anka ịsa agụ ene sú, ana agụ anị rẹẹ̄ wụ̀ ọza avọọ nị. Ama yị aza ana vọ, vị ịsị mẹẹ anka ịsa ana yàra, ana agụ anị rẹẹ̄ mẹ ka ọza ọ̀ yàra avọọ nị.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Ẹtore 11:5

Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị.