Ijeremaya 23:28 - IWE ỌNỊNỊ

²⁸ Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ijeremaya 23:28 ပူးပေါင်းရင်းမြစ်များ

1 Ohinọyị 22:14

Di Imikaya ka, “Mâ sị Ẹnẹyịmavara hị́ eku ka ịsa tụra ịsa ẹnị Ẹnẹyịmavara ọ̀ọ kà mị kẹnẹ, mị vaa kà nị.”

1 Ohinọyị 22:16

Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”

Ụhịrẹyị 14:5

Onivenu ịzẹyịza o mē cheeche ama onireche vi eneē cheeche.

Ayịsaya 21:10

Ẹwụ nịnị aza amị ana a raà za eyi kwọrọ ẹtẹ, ịrẹyị ẹnẹ Ẹnẹyịmavara Ochẹtẹẹngụ sị zụ̀ mị mị kà wụ nịnị avọọ nị.

Ijeremaya 23:25

Ẹnẹyịmavara kà, ọnị ộ wụ ịsị ọnịsẹ nịnị anaa sị ịrẹha anịị cheeche ka vị ẹnị aa kà ịsẹ anị nị aa kà. Ẹnịnị ka ọnị ô tụ́ ẹnị ụtụ ịnị ụra ọnị ẹnị ra.

Ijeremaya 42:4

Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ijeremaya 9:20

Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.

Ezikẹẹrị 13:3

Ẹnẹyịmavara Ananyị ụkata hu kere-kere ka: ọnịsẹ ẹnẹnị anaa mẹ ụra aanị ẹ́ sị da, ụkata ẹngụ ẹnịnị ẹyaa sịị kà ịrẹyị nị, ẹnịnị é yi re ẹtẹ ọnyọọnyị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Iruuku 12:42

Dị Ananyị yị, tụ́ ohi, dị ọ ka, “Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

1 Anịkọrịntị 4:2

Àa sị ịsa chire ọza ụvọ, eē sì ka ọza ọnọọ ọ̀ọ mẹ ịzẹyịzaa tụ́ ịnị anị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

1 Itimoti 1:12

Máa kụ́ Ijeesu Ikirisiti Ananyị yị avọ, agụvị ka aa sị ụkataa mị. Ma rẹ kụ́ ọọ avọ, agụvị ka ộ za mị ịrịka ka máa nyị ịzẹyịza, dị ọ sị mị tụ́ ịnị ụkọrọ anị nị.