Ijeremaya 23:27 - IWE ỌNỊNỊ

²⁷ Ọ kà ụra ẹnẹ ẹ ka ẹnị ệ ra ẹnẹ maanị aa kà aanị, vị ẹnị eyee sì ka ẹnị ẹ̀ sị mẹ ka aza anị è hí ayị anị, anka ohiku ẹnịnị me hi ayị anị di ẹ naa hẹkẹ Ịbaarị avọọ.

Ijeremaya 23:27 ပူးပေါင်းရင်းမြစ်များ

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 29:8

Ọ kà ọnị Ẹnẹyịmavara, Ohomorihi Anisirẹrị aa kà wụ nịnị ọ̀nọ̀ ka, asị ụ zẹẹ ọnịsẹ ene hi ịnị akakana awụ nịnị ẹnịrị aza ana ka ẹnị ẹ zụ kà ịsị ana va mẹ ụhwọọ è vene ụ nịnị o. Asị ụ wụ́ ịrẹyị ụra ẹnẹ ẹ ka ẹnị aa rá avọọ o.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 8:14

ịjọnọọ dị wee wụ, dị ụ hị́ ayị Ẹnẹyịmavara, Ohomorihi ana kụ wu nịnị hụrị ẹtẹ Ijipiti ịzị a za wụ nịnị ọrịhị.

Iwe Ọhụhị Imosiisi ana aa hị́ Ọyịvatụrọda 8:18

Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.