Ijeremaya 23:24 - IWE ỌNỊNỊ

²⁴ Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ijeremaya 23:24 ပူးပေါင်းရင်းမြစ်များ

Oyinyima 16:13

Di Ihaga hị́ ịrẹha Ẹnẹyịmavara ene pè e kà ịrẹyị dị ọ ka ọnị ọ rị Ohomorihi ene re mi nị! Ọ kà Ohomorihi mi re, dị mị yị yàra nịị?

1 Ohinọyị 8:27

Yâ yẹ de ka ẹ yị vị ka ịnị ẹhẹ ụ waa vaa ra nị. Ẹbẹẹba keekere ini ihinẹba ọ yị hyakụ dọ wụ, dị ma va na kà irehi ọnị mị ka mị da aanị nị.

2 Ịtọpa 2:6

Ama ẹnẹ zụ dà irehi ene rere ọ? Ẹbẹẹba kere-kere ẹ yị hyakụ dọ ọ ya, ẹnẹ va zụ dà irehi yọ, ẹ vị ka a dà aha ịzị a vaa mẹ̀ ịsọvọ yọ?

2 Ịtọpa 6:18

Ama ọ́ọ́ vaa ra ịnị akakana aza ịrẹma ọnị avaba ẹbẹẹba ẹ yị dọ ọ ya? Irehi anị ọnị ọ dà aanị wáá vaa dọ ọ ya?

Ijoovu 34:21

Ẹnẹyịmavara e re avaba ahụ ọnị yee hu.

Ijoovu 34:22

Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi.

Ahẹ Ụgama 10:11

Ama di e yee ro o ka Ohomorihi ọ yị vaa tamayị Ẹ ka Ohomorihi ọ yị hyakụ vee re ẹnị pooro.

Ahẹ Ụgama 139:7

Ịzị mị zụ nọ ka asị u re mi, mị ka ịzị mi zụ zwe na tẹ̀, ọnị ụ wẹ̀ yị vaa yà ịzọọ?

Ahẹ Ụgama 139:8

Mèe zwe hịrẹ nọ ini ihinẹba, ụ yà ịzọọ. Màa va nọ iruvo ẹtẹ na yà, ụ rẹ yị yà ịzọọ.

Ahẹ Ụgama 148:13

Avaba awụ nịnị ọ̀ọ kụ́ Ẹnẹyịmavara avọ, agụvị ka ọnị ịnyara ọ nyị ụbanyị nị, Ụbanyị anị ộ para ẹtẹ ọnịrị ihinẹba hu.

Ahẹ Ụgama 90:8

Wâ yẹ avaba ebira odivi ọnị yaa mẹ, ẹ yị nyị ikonya ọnị ụ wẹ̀ yị yẹ.

Ụhịrẹyị 15:3

Ẹnẹyịmavara e re avaba ịsa ana a ná. Ee re odivi ọnịrị ọyịza ana aza aa mẹ̀.

Ayịsaya 29:15

Wa sị dà nịnị, ẹwụ nịnị ana aa mẹ eto di ụ ka asị Ẹnẹyịmavara yẹ nịnị. Mị ka wa sị dà nịnị, ẹwụ nịnị ene ee weree mẹ ịrẹyị di wee ro o nịnị ka ẹ yị nyị ọza ene ee re wu nịnị. Ụ ka ẹ yị nyị ọza ana yẹ ịsị waa mẹ nịnị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ijeremaya 16:17

Ọ kà ọnị ee ré avaba ịsị ẹyaa mẹ. Ẹ́ yị nyị ịsị ẹ tẹ̀ yị ọnị. Ebira odivi ẹnịnị vị ọnị ọnị ee ré saka-saka.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijeremaya 49:10

Ẹnẹyịmavara kà, ama, ọnị ọ sị evere Iisọ tụ ahwaahụ saka-saka, ẹnịnị ẹ yị kụkụ zụ tẹ. A sị avaba Anedomi vú ẹtẹ, ọza ịnyara ẹ́ yị vẹtẹ ịnị ẹnịnị.

Ezikẹẹrị 8:12

Ohomorihi ộ họ̀ ọnị use ka, ozi-ọza, ọnị wee re ịsị ọdọvịdị Anisirẹrị nịnị aa mẹ ịnị ewere? Ẹnịnị ẹẹ kụ ẹngụ hi ịnị aku ana va uhwoto ịsị irenyi-irenyi hi, dị ẹyaa mẹ ori nị. Dị ẹ ka, Ẹnẹyịmavara ọ́ sị ẹkụra ẹnịnị hụrị ụvọ, é yi kuku re ẹnị.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Ịdanịyẹrị 2:22

Ọnị ọọ̄ sị ịsa ana tẹ̀ aha ana nyịnẹẹ zụ nị; ộ yẹ avaba ịsa ana tẹ aha ene hozi, ọnị ụvọta vị ana ya ịnị ẹtohweyi.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Anẹhwẹsọsị 1:23

Anịragụ Ohomorihi ọ vị ẹngụ Ikirisiti nị. Ịnị anịragụ, ị́sa Ikirisiti gụ tụ́ nị. Ikirisiti ọ mẹ ka avaba ịsa ẹ̀ gụ ini oze tura oze nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.