Ijeremaya 23:22 - IWE ỌNỊNỊ

²² Ọ kà ẹnịnị ẹ̀ẹ yaanị va wụ́ ịrẹyị anị, ịrẹyị anị ọnọọ ẹ yaanị aa kà yị aza anị nị: dị ẹẹ mẹ ka ẹnịnị ẹ̀ và hụrị oze odivi ẹnịnị nị. Aza anị yaanị sị và hụụnị ịsị odivi ẹnẹ ẹyaa mẹ.

Ijeremaya 23:22 ပူးပေါင်းရင်းမြစ်များ

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ijeremaya 23:18

Ẹnị ọ vị ịnị ọnịsẹ ẹnẹnị ana nọ ịdị Ẹnẹyịmavara kà ọnị ọ̀ na wụ́ ịrẹyị anaa kà da? Ẹnẹ ka ọnị ọ wụ́ ịrẹyị anị kẹ?

Ijeremaya 25:5

Ọnịsẹ ẹnẹẹ ệ kà a wụ nịnị ka wa và hụụnị ẹhẹ odivi ọnị waa rá nịnị ọnịrị ebira odivi ọnị waa mẹ nịnị. Ẹ ka wa và hụụnị anị nịnị agụvị dị wa yị zụụ ra ịnị ẹtẹ ọnị Ẹnẹyịmavara sị yị ẹwụrị ohiku awụ nịnị pooro aanị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Ezikẹẹrị 13:5

Ẹnịnị ẹ́ yị na jẹẹ ịzị ọvọ wú hi ẹtẹ dị ee sere e. Ẹnịnị ẹ́ yị rẹ va kà a ka ẹnị ee tenyi ọvọ ọnọọ tụra; agụvị avọọ Anisirẹrị nịnị é yi vee re ịsaa dọ waa tụ ịhị Ẹnẹyịmavara ọọ ka ọnị aa sị ụyaa rị wa, dị a kụ ịrẹkụ ve tu wa nị.

Ezikẹẹrị 18:30

Avọọ, ẹwụ nịnị Anisirẹrị, Ẹnẹyịmavara Ananyị ụkata hu ka, ọnị vaa mẹ̀ ọkarẹyị yị ọzịnya-ọzịnyara awụ nịnị anka ịsị ọzọza mẹ. Ro ịnẹ varẹma, dị wa và hụụnị ebira odivi ọnị waa mẹ nịnị; Asị ụ zẹẹ ka ebira odivi awụ nịnị ò wú wu nịnị ẹtẹ.

Ezikẹẹrị 2:7

Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.

Ezikẹẹrị 3:17

Ọnị ozi-ọza, ọnị Ẹnẹyịmavara ộ nyị ọnị ka ọnị ò sị eyi pe Anisirẹrị nịnị. Ịjị ọnị ọọ káa yị ọnị Ezikẹẹrị ka ọnị ọ̀ na kà wa ọnọ o.

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Ịmarakayị 2:6

Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

1 Anịtẹsaronika 5:6

Agụvị avọọ, asị rẹ và ẹngụ hi ẹtẹ anka aza ana vọ. Ama à vẹ yee zí, dị ya sị ụvọ za ẹngụ ayị.