Ijeremaya 23:20 - IWE ỌNỊNỊ

²⁰ Ẹ́ yị vaa zaa jẹ ẹ̀ yị vị ọ raa mẹ avaba ịsa ọnị ò sì ka ọnị aa mẹ. Ịjị ụmẹ oo tu avaba ịrẹyị ọnọnị vee yé aza gedebee.

Ijeremaya 23:20 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

1 Ohinọyị 8:47

Ẹnịnị e zụ ro ịnẹ ịnị ẹtẹ ana a za wa ọrịhị nọ, dị e hi ịzọọ dị ẹ vara ebira ẹnịnị, dị ẹ da ịpẹ wụ dị ẹ ka ẹnị ẹ si ebira odivi mẹ.

2 Ohinọyị 23:26

Ayị Ẹnẹyịmavara vị ana nyayịnẹ du hi Ijuda dị ọ yị va agụvị ebira ọnị Ịmanasẹ mẹ ene dụ ọ ayị.

2 Ohinọyị 23:27

Ẹnẹyịmavara kà ọnị vaa mẹ Ijuda ịsị ọnị ọnị mẹ Isirẹrị. Ọ kà ọnị vaa dụ Anịjuda nini hụrẹ ọvịdị anị, dị ọnị yi Ijerusarẹmị ọnị ọnị nyị yị ẹngụ anị ọnịrị irehi anị ịzị ọnị ka aa ya hẹkẹ ọnị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 14:24

Ẹnẹyịmavara ọ sị ọ ka, ọ si eku hí tụ́ ọ ka ẹ yị nyị ịsị aa vara ka ẹ yị vị ọnị mẹ̀ kà a â yà. Ọ kà ọnị mẹ̀ kà a gẹdẹ-gẹdẹ ọnị vaa mẹ̀ ẹ nị.

Ayịsaya 55:11

Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ezikẹẹrị 21:10

A sị ọ ne, a sị ịsa da sisi ọ ka ọọ zá nyanga-nyanga, dị à sị na wụ̀ aza va ha. Ịrẹyị unyi ọsọnị wáá vị booro aanị nị? Ọ ka ọnị ộ kà aza anị ọnọ, ọnị ộ sị ụya rị wa, ama, ẹnịnị ẹ́ yị hị́ ọ ịrẹyị.

Ezikẹẹrị 21:5

Avaba aza vaa yẹ ka ọnị, Ẹnẹyịmavara ọ́ sị ụhwọ anị tụ̀, ọnị ẹ́ yị ma vana vàa ngụ apara.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.