Ijeremaya 23:19 - IWE ỌNỊNỊ

¹⁹ Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ijeremaya 23:19 ပူးပေါင်းရင်းမြစ်များ

Ahẹ Ụgama 58:9

Ohomorihi, dị ẹ̀ va yẹ ka ịrẹyị ee vee tù ẹnị, navọ wa gara wa va ha chẹkẹchẹkẹ dị wa sị ọyịkụ-ọyịkụ kụ́ wa kwooze.

Ụhịrẹyị 1:27

Ayị vaa hụrẹ wụ ịnẹ anka opomi mẹẹ̄ tụ́ avọọ, di ezigi vee tù wụ nịnị anka okoruwa avọọ nị. Dị ahịka ayodu ọnịrị ayịhụrịnẹ o chi wụ ẹngụ nị.

Ụhịrẹyị 10:25

Ịzị ẹngụkata yaa vu ọza ọhịmị ẹtẹ ọnịzẹyịza vị anaa jẹẹ geri-geri ịzọọ.

Ayịsaya 21:1

Ịrẹyị ene vee tù anẹkụra ene hi ịnị ụnọmị ózee eyi oku yị: Wáā yẹ opomi mẹ̀ẹ tụ́ ịnị ụnọmị di ee hì avaba ẹchịchị naa parahu avọọ, avọọ a mẹ̀ vaa kụ́ ịrẹyị odivi ve tù Anibabironi nị. Anẹkụra ana kụ́ ẹngụkata ọnọọ aa vẹ vị ana angwa ẹnịnịị hi ọza.

Ayịsaya 40:24

Ẹnịnị sị mẹ anka avị ohwoohu avọọ nị, ịịjịjọọ dị ẹ chị ama ẹpa ẹnịnị ẹ yị ngụ ẹtẹ. Ẹnẹyịmavara ọ̀ọ tụ ahị ku wa, dị ẹ wụ̀, dị ahị kụ wa anka azịzẹ avọọ.

Ijeremaya 25:31

Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 25:32

Ẹnẹyịmavara Ochẹtẹẹngụ ka ịrẹyị odivi aa kà ẹkụra Ikonya-ikonyara vẹ. Opomi ọbanyị o si nyima aa kụ ụ gụ ịnị ẹhẹ.

Ijeremaya 30:23

Re, Ẹnẹyịmavara àa kụ ayị, vị ọ sị mẹ anka opomi avọọ nị, ọ vaa tụ́ vee ku aza edivi ịrẹsụ anka ahị anaa tụ́ kukuku avọọ nị.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijeremaya 51:1

Ẹnẹyịmavara kà, ọnị vaa tụ́ ahị odivi ka ò vee vú ẹtẹ Ịbabịrọnị ọnịrị aza ene hi ịzọọ ẹtẹ.

Ezikẹẹrị 1:4

Ezikẹẹrị ka, ọnị mẹ kụ̀rà eyi tụ ẹba, dị ọnị re ka opomi ộ tụ́ hụrị eyi ẹbẹẹba aa vẹ nị. Ọnị ô re re ka eguhi ộ da dụmẹ, dị ịnyaanya aa rị ịnị anị nị. Dị ẹbẹẹba aa zẹtẹ kara eguhi ọnọọ nị. Oni ô re ịsị ẹ sị mẹẹ anka enyusẹ ọkatarihi anaa za nyoonyo avọọ ịnị akakana ịra anaa rị aanị.

Ezikẹẹrị 13:13

Ẹnẹyịmavara Ananyị ụkata hu ka, ọnị vaa sị ọyịkụ-ọyịkụ mẹ ka, opomi ọ̀ tụ́, dị orihi zụ̀ hara-hara beri ata orihi, dị o ve wú ọvọ awụ nịnị ha.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.

Ịzakaraya 9:14

Ẹnẹyịmavara vaa sị ẹngụ zụ akẹbẹẹba aza anị, di ee ne ọpa ana zẹtẹ anka ịnyanya avọọ. Ẹnẹyịmavara Ananyịwa vee hu ịkakanchị, dị zị ụsẹ tụ ọvịdị ịnị opomi hụrị ẹyị ụvẹtẹ vẹ.