Ijeremaya 23:16 - IWE ỌNỊNỊ

¹⁶ Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.

Ijeremaya 23:16 ပူးပေါင်းရင်းမြစ်များ

1 Ohinọyị 22:11

Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.”

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

2 Ịtọpa 18:5

Ịzẹyịza, dị ohinọyị Anisirẹrị hara ọnịsẹ akava nịnị gụ nị, dị ọ họ̀ wa ka, “Ọnị ọ́ọ́ nọ Ịramọtị-Igiriyadi ne pè wa kụ̀ ịrẹkụ à vị asị ọnị nọ?” Dị avaba ẹnịnị ka, “Wa na haara, ka Ẹnẹyịmavara va sị wa chire wu ụvọ.”

Ụhịrẹyị 19:27

Ozi emi, ụmẹ ọnị waa ka wẹ yị kụkụ wụ́ ịrẹyị ọza, ịrẹyọyẹ nyima aa hụrẹ wụ ụvọ avọọ nị.

Ijeremaya 14:14

Ama dị Ẹnẹyịmavara tụ ohi ka, ọnịsẹ ẹnẹẹ vi enee cheeche ka maa tụ ẹnị ụtụ. Ọ kà ọnị ẹ́ yị tụ wa ụtụ, ọnị ọ yị rẹ mẹ ọda ọnyọọnyị yị wa. Ẹnẹyịmavara kà ọnị ẹ yị nyị ụvọ tụ ịnị ẹtẹ ẹnẹ ẹ ka ẹnị ee re zị; ịsẹ ẹnẹ ẹ yaa ka vị ịrẹyị kẹnẹ-kẹnẹ ẹnẹ ẹ yaa sị ayị ẹnịnịị rò.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ijeremaya 23:21

Ẹnẹyịmavara kà, dị ọnịsẹ ẹnẹnị daka ee zwe echi dị ẹyaa kà ịsẹ ngwọọ zịịzị aanị, ọnị ẹ yị tụ wa ụtụ; ọnị ẹ yị kà ịrẹyị yị wa.

Ijeremaya 23:26

Ịzị ọnịsẹ ẹnẹnị vaa maanịị sị ireche ẹngụ ẹnịnị kụ aza anịị nyeeyi naa za?

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 29:8

Ọ kà ọnị Ẹnẹyịmavara, Ohomorihi Anisirẹrị aa kà wụ nịnị ọ̀nọ̀ ka, asị ụ zẹẹ ọnịsẹ ene hi ịnị akakana awụ nịnị ẹnịrị aza ana ka ẹnị ẹ zụ kà ịsị ana va mẹ ụhwọọ è vene ụ nịnị o. Asị ụ wụ́ ịrẹyị ụra ẹnẹ ẹ ka ẹnị aa rá avọọ o.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ijeremaya 9:20

Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ezikẹẹrị 13:16

Ọ kà, ọnị vaa kà a ka ọnịsẹ Anisirẹrị nịnị ene e yii ré ka ịrẹyị tịtẹ, dị ẹyaa kà a yị Anijerusarẹmị nịnị ka ẹ́ yị nyị ịrẹyị avọọ ka, ẹẹnịnị ộ ta, aanị Ẹnẹyịmavara mẹ kà nị.

Ezikẹẹrị 13:23

Avọọ, we yi me vene ré ẹtẹ apaapẹ ọnị ụ ré nịnị. Wẹ́ ma rẹ vana zụ kà ịsẹ ọnị wee sii vene aza nịnị avọọ. Ọnị vaa dọ aza anịị hụrẹ wụ nịnị ụvọ, dị wa yẹ nịnị ka ọnị ọ̀ vị Ẹnẹyịmavara nị.

Ezikẹẹrị 13:3

Ẹnẹyịmavara Ananyị ụkata hu kere-kere ka: ọnịsẹ ẹnẹnị anaa mẹ ụra aanị ẹ́ sị da, ụkata ẹngụ ẹnịnị ẹyaa sịị kà ịrẹyị nị, ẹnịnị é yi re ẹtẹ ọnyọọnyị.

Ezikẹẹrị 13:6

Apẹ ẹyaa mẹ ka vị ẹnị re ẹtẹ nị. Ịsẹ ẹnẹ ẹyaa kà vị ireche osusu. Ẹnẹyịmavara kà, ọnị ẹ́ yị tụ́ wa ụtụ, ama dị ẹ ka, ọnị ọ̀ tụ ẹnị ụtụ nị. Dị eyee zi ka ọnị vaa sị ịrẹyị ẹnịnịị gẹ nị.

Ezikẹẹrị 22:28

Ọnịsẹ ẹnịnị ệ jị avị ku ebira edivi ẹnẹnị, ẹ́ yị kà a. Vị́ ẹnịnị sị mẹẹ anka aza enee ku ugene ọda ọvwọọvụ avọọ nị. Ẹtẹ ene eyee re, ọnịrị ịsẹ ẹnẹ ẹyaa ka vị apẹ osusu. Ẹ ka Ẹnẹyịmavara Ananyị ụkata hu ọ tụ́ ẹnị ụtụ nị, ama ọnị Ẹnẹyịmavara ẹ́ yị tụ wa ụtụ.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.