Ijeremaya 23:11 - IWE ỌNỊNỊ

¹¹ Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Ijeremaya 23:11 ပူးပေါင်းရင်းမြစ်များ

2 Ịtọpa 33:5

Ịnị ohweje ẹẹva ịnị irehi Ẹnẹyịmavara vị ọnị hi ụta tụ́ ka aa sị hẹkẹ ụzọmị ene hi ẹbẹẹba.

2 Ịtọpa 33:7

Dị Ịmanasẹ sị uyi ori na tụ́ ịnị irehi Ohomorihi ọnị Ohomorihi kà yị Idevidi ọnịrị ozi anị Isoromọnị ka; ịnị irehi anị ana ya Ijerusarẹmị aanị ọ vị aha ọnị ọnị nyị ịnị avaba ẹtẹ ịrẹsụ ẹwụrẹva Anisirẹrị nịnị nị. Ịzọọ ọnị kà aa hẹkẹ ọnị nị.

2 Ịtọpa 36:14

Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ.

Ẹzịra 10:18

Ezi ohirẹsụ irehi Ohomorihi nịnị ana nyị anẹẹ anikinami ẹ vị ezi Ijesuwa ozi Ijozadaki ọnịrị ẹyịnyara anị Imaseya, Eriiza ọnịrị Ijaribi neberi Igidarịya.

Ijeremaya 11:15

Ẹnẹyịmavara kà, sị aza ọnị ọnị sì ịrẹyị anị aa mẹ ini irehi anị, ịrẹma ẹnị ẹ na raa mẹ ịsị edivi-edivi ẹnịnị? Vị eku ẹnị ẹ yaa hị́ ọnịrị ịsụpa ẹnị ẹ yaa sị mẹ̀ ịsọvọ waa zụ za wa ka asị ẹ rị ụya nị? Ẹnẹnị waa zụ mẹ ka waa jẹ nịnị nị?

Ijeremaya 23:15

Avọọ, Ẹnẹyịmavara Ochẹtẹẹngụ aa kà a yị ọnịsẹ ene hi Ijerusarẹmị ka, ọnị vaa sị avị ọnyịrẹyị yị waa rị, dị ọnị sị enyi ana nyị ẹchịpa yị wa ka e hú ọ. Ka ẹnịnị ẹ raa mẹ ka ebira odivi ọ̀ gara hi ẹtẹ avaba aha.

Ijeremaya 32:34

Ẹnẹyịmavara kà, ẹnịnị ệ hyakụ kụ ori ẹnịnị na jẹẹ ịnị irehi ana a dà kà a hẹkẹ ọnị ịnị anị, dị ẹ sị du ọ ẹngụ nị.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 7:30

Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Ezikẹẹrị 23:39

Ịhị ẹnẹ ẹ na wụ̀ ọnị ezi mẹ̀ ịsọvọ yị ori ẹnịnị gẹdẹ-gẹdẹ, ịhị ọnọọ ọnyọọnya ẹnịnị vẹ ịnị Irehi ahẹkẹ anị dị ẹ́ va mẹ̀ kẹnẹ-kẹnẹ nị. Ịsị ệ mẹ̀ ịnị Irehi anị yị.

Ezikẹẹrị 44:10

Ẹnẹyịmavara kà, ọnị aa sị ụyaa rị Anireevi nịnị ana saasa Anisirẹrị nịnị ana vọ naa mẹ ori, dị ẹ và hụụ ịrẹma anị.

Ezikẹẹrị 7:20

Ẹnya ọyịza-ọyịza ẹnẹ ẹ́ sịị̄ mẹ ọvị ene eyee sịị wùu zị, ọnị ẹ kụkụ sị̀ mẹ ori enee du ọnị ayị nị; avọọ ọnị Ẹnẹyịmavara vaa mẹ ka ogu ẹnịnị ọ̀ kụkụụ nyị wa ịhyẹrẹ.

Ezikẹẹrị 8:11

Ezikẹẹrị ka, ọnị ô re ọdọvịdị Anisirẹrị nịnị, ẹnị ẹtarẹwụ ka ẹ jẹẹ va eyi ka ịsa ẹnẹnị ịzọọ ọnọrụ anaā hị́ Ijazanịya ozi Isahwani yà ịnị ẹnịnị bẹẹ. Ọzọza ộ sị ịsị a sịị̄ rị eturare ịraa rị ụvọ, dị areyi eturare ọnọọ aa daa vaa hịrẹ nị.

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.