Ijeremaya 22:6 - IWE ỌNỊNỊ

⁶ Ọ kà, irehi ohinọyị Ijuda oo zoza anka ẹtẹ Anigiriyadi ọnịrị ataba Ịrẹbanọnị avọọ eyi anị; ama ọnị vaa hụ́ azaa hụụ ịzọọ, dị ọza ẹ yị ma vana rá ịnị anị.

Ijeremaya 22:6 ပူးပေါင်းရင်းမြစ်များ

Oyinyima 37:25

Di e ne hi ẹtẹ dị ẹ yaa rị ịsa nị. Ẹ mẹ̀ kana eyi, di e re anusoze ana vi Anisimẹrị ka ệ kụ́ ịnyaakụmị hụrẹ Igiriyadi aa vẹ nị. Ệ kụ́ ụsụ ọchị ozoza irenyi-irenyi ana katarihi ana a sịị mẹ̀ ịsa anaā dagụ ozoza dị a rẹ sịị mẹ ahọ̀nọ tụra ịnyaakụmị ẹnịnị. Ẹnịnị vị ana aa nọ Ijipiti.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

Ahẹ Isoromọnị 4:1

Ẹwụ ọnẹẹ ọnị mị sì ịrẹyị anị. Wâ dá zoza kẹnẹ. Dị ụ daka yị vá ịta ku eyi, igoreyi awụ aa sịị zụ ka wee sì ịrẹyị amị. Ẹyịrẹsụ awụ ee henyi anka ọkọnị ẹvụ enee chí otutu Igiriyadii vẹ avọọ.

Ahẹ Isoromọnị 5:15

Ahụ anị ẹyịva ẹẹ vọrọ pooro anka ọhẹ ana á sị ịrẹta ọkatarihi ana aā hị́ arabasita mẹ, di é si hí ịrẹsụ igooru avọọ. Wèe ré e kẹnẹ ụ́ waa kà a ka ataba Ịrẹbanọnị ọnị ọchị Isida hi ịnị anịị yọ nị.

Ayịsaya 27:10

Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.

Ayịsaya 37:24

Wâ tụ́ ọnụtụ awụ nịnị ka è vee wo oto hi mi ka wâ kụ aza awụ anaā sịị ịkẹkẹ kụ̀ ịrẹkụ, dị ụ kụ ịrẹkụ na rị ataba Ịrẹbanọnị ana nẹba hu nị. Wâ nyị irenu ka ọchị isida ana gọdọ hu keekere, ọnịrị ọchị Ịsayịpụrẹsị ene zoza hu keekere vị ọnị ụ má va hi ẹtẹ. Ụ ka aha ene noze hu ini iruku vị ọnị ụ ngụ.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 21:11

Ẹnẹyịmavara kà Ijeremaya ọ̀ ka ẹ yị avaba aza ohinọyị Ijuda ana vị evere Idevidi ka

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 22:24

 nyị ohinọyị ọnya ana aā hị́ Ijehoyakimi, ozi Ijehoyakimi ana vị ohinọyị Ijuda ọ vị nị. Ẹnẹyịmavara ộ kà a yọ ka, ọnị Ohomorihi ana yara ọ̀ọ yị yà ịzọọ, àa da ka vị ọnị ọ̀ vị ochirigege ọnị ọnị sị tụ ụvọ nị, ọnị vaa tụ ọ kwooze.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 50:12

ama ẹkụra awụ nịnị ana maanị banyị aanị vị ana a vaa mẹ ụhịị nyị, dị ụhị nyị ọ ẹtẹẹtẹrẹ. Ịbabịrọnị ọ vanaa tụ ọkụmịị hu kere-kere ịnị avaba ẹkụra nị. Vị́ ọ́ vanaa vara ẹtẹ ẹnẹẹ yị nyị enyi dị ọ́ vị ọ̀yị wụ nị.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịzakaraya 11:1

Na oze awụ nịnị, Ịrẹbanọnị agụvị ịra ọ rị ọchị Isida awụ nịnị.

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Iwe Ọhụhị Imosiisi ana aa hị́ Ọyịvatụrọda 3:25

Ọ kà Ohomorihi ọ navọ ọnị ọ jịnẹ nọ akẹnẹ irehu Ijodani ne re ẹtẹ ozoza ene hi ịrẹsụ Ịrẹbanọnị ẹnẹnị.