Ijeremaya 22:3 - IWE ỌNỊNỊ

³ Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ijeremaya 22:3 ပူးပေါင်းရင်းမြစ်များ

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

Ijoovu 22:9

Wẹ yị zẹ ka waa mẹ ọgụvọ yị osoku nịnị ana pa wụ ịsa, dị ụ raa sị ako dọ ezi-oku ịsa, dị waa sị ụya rị wa nị.

Ijoovu 24:9

Aza edivi a za ezi-oku ọrịhị, dị ẹ kụ ezi onosiye nịnị si ụta ẹnị ẹ rị.

Ahẹ Ụgama 68:5

Ohomorihi ọ vị ada aza ẹnẹ ẹ̀ yị nyị ada nị, ọnị ọ rẹ ẹ̀ yị mā zẹẹ ka à chamayị yị ozi oku nịnị nị. Ọnị ọ vị Ohomorihi ana ra ini irehi anị ẹbẹẹba nị.

Ahẹ Ụgama 82:4

Navọ wa dọ ọkụmị ọnịrị onosiye nịnị tụ́. Dọ wa hụụnị ụvọ aza edivi.

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ahẹ Ụgama 94:6

Aza edivi ẹnẹẹ ệ za osoku ọnịrị azọga ne beri ozi oku dị ẹ wụ̀ wa va ha nị.

Ọyịkụra 22:21

Asị ụ chamayị yị ọzọga nịnị. Asị ụ rẹ mẹ ehuna yị wa nịnị. Wáā yẹ ka ẹwụ nịnị rẹ vịdị vị ọzọga tụ́ Ijipiti.

Ọyịkụra 22:22

Asị ụ mẹ osoku ọnịrị ozi oku rị nịnị.

Ụhịrẹyị 23:10

Asị ụ tụ̀ ịsa ọnị ohiku sị tọ ẹtẹ ẹhwị, dị asị ụ dọ ezi-oku nịnị ẹtẹ.

Ụhịrẹyị 6:17

Ẹnẹyịmavara ọ nyị ịhyẹrẹ ọza ana a sị ẹngụ tụ ẹba, ọza ene cheeche ọnịrị ọza ana a wụ̀ ọza kẹnẹ-kẹnẹ.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ayịsaya 58:7

Ẹnịnị ẹ da ịsa yị aza ọnị ụngwẹ aa kụ, dị ẹ sị irehi ẹnịnị yị onosiye ẹnẹ ẹ yị nyị irehi ka ẹ ra, dị ẹ sị achị yị aza ana tụ ahwaahụ, asị e yi ka ẹnị ẹ yị mẹ ọgụvọ yị anda ẹnịnị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Ijeremaya 5:28

Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Arụwẹ 3:36

Ananyị yị ẹ mā dọ ka è sima ọkarẹyị mẹ yị aza ịnị ikootu.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Ezikẹẹrị 18:7

Ọza ọnọọ ọ́ ma mẹ ẹvaya yị ọza, ama ịsị ọnị ọza ọọ sị va dọ ọ ịsa rere, vị ọnị ọọ varẹma yị ọza ọnọọ. Ọza ọnọọ ẹ́ yị ma mẹ ako yị ọza, òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ nyị ịta ku ẹngụ, dị ọ sị awuru yọ.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Ezikẹẹrị 45:9

Ẹnẹyịmavara Ananyị ụkata hu ka, ẹwụ nịnị ọdọvịdị Anisirẹrị, ebira odivi awụ nịnị oo zé ọgọnị. Hụụnị ụkata-ụkata ọ̀ yị sị mẹ ịrẹyị nịnị, dị a sị ụ rẹ kụkụ mẹ ehuna yị aza nịnị. Waa sị ịzẹyịzaa mẹ ịrẹyị nịnị, dị waa mẹ̀ ịsa ana vọrọ nịnị. Ọ kà asị ẹ rẹ dụ aza anị hụụnị ẹtẹ ẹnịnị. Ọnị Ẹnẹyịmavara aa kà a yị wụ nịnị nị.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Emọsị 5:24

Ama dị Ẹnẹyịmavara kà ẹ̀ navọ aa sị ịzẹyịzaa mẹ̀ ọkarẹyị avaba aha.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Iwe Ọhụhị Imosiisi ana aa hị́ Ọyịvatụrọda 10:18

Ọọ̄ mẹ ịzẹyịza ka ozi oku ọnịrị osoku na, di o sì ịrẹyị azọga ana ra beri aza. Aa sị ịsọyịrị ọnịrị achị yị wa.

Iwe Ọhụhị Imosiisi ana aa hị́ Ọyịvatụrọda 24:17

Asị ụ zẹ ka a mẹ azọga a vị ezi-oku rị. Asị ụ dọ osoku achị jẹẹ yị erere ọnị ọ dọ wụ.

Iwe Ọhụhị Imosiisi ana aa hị́ Ọyịvatụrọda 24:7

Ọza tụra ọza anaa za Anisirẹrị ana vị ọnọhụva anị ọrịhị a vị dị ọ na ọrịhị vị ana vaa wụ̀ agụvị udivi ọ hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 25:1

Imosiisi ộ kà a yị Anisirẹrị nịnị ka, A kà a ka aza ẹnị ẹẹva ệ kụ́ ẹngụ tụ ini ikootu, dị ọmọkarẹyị ka ọza ịnyara ộ rị ịvị, dị ọsa rị ịhị nị.

Iwe Ọhụhị Imosiisi ana aa hị́ Ọyịvatụrọda 27:19

O yi vee ze yị ọza tụra ọza ẹnẹ ẹ yị zẹ ka ọnị ọ sị ịsị vọrọ tụra azọga, ezi-oku ọnịrị esoku yị wa. Dị avaba aza ọ̀ ha aamị!

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.