Ijeremaya 22:28 - IWE ỌNỊNỊ

²⁸ Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 22:28 ပူးပေါင်းရင်းမြစ်များ

2 Ịsamụwẹrị 5:21

Di Anihwirisiti navọ ori ẹnịnị hi ịzọọ, di Idevidi ọnịrị aza anị kụ́ wa aa na nị.

2 Ịtọpa 21:20

Ijehorami vị ana rị ohinọyị ọ mẹ vị ịrayị ohurẹẹwụ tụra ẹẹva, dị ọ mẹ̀ ohinọyị ịrayị ịhịnta. Ẹ yị nyị ọza ana zị ẹngụ yọ o me su. Di e ne e ịnị ẹkụra Idevidi ama ẹ yị vị ịzị eē ne oku ohinọyị nịnị.

Ahẹ Ụgama 31:12

Ayị amị ô hi avaba aza Mị kụkụ sị mẹẹ Anaka ọza ene wusu avọọ nị Mị ka mị kụkụ yà anka ịsa ana a ka è ne nē ta ini eyi ẹnịnị nị.

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 22:27

Ọ kà a vanaa vụva ka ẹnị ẹ̀ vavẹ ẹkụra ẹnịnị ọnọnị, ama ẹnịnị ẹ ị ma vana zụ vavẹ.

Ijeremaya 22:30

Ẹnẹyịmavara kà ọnị ọ sị ọkarẹyị mẹ yị ọnọrụ ọnọnị ka avaba ezi anị vaa jị ọ ụvọ. E yị vee zee yọ. Ẹ yị nyị ịpa anị ana vanaa yaatụ ịrẹsụ aga ohinọyị Idevidi ọ̀ yị mẹ ohinọyị ẹtẹ Ijuda paa.

Ijeremaya 24:1

Ijeremaya ka Ẹnẹyịmavara ộ sị uji ẹẹva ana a kụ ihwigi hi dị asị tụ ọvịdị irehi Ohomorihi zụ ọnị. Ịjọnọọ, Inebukadineza ohinọyị Ịbabịrọnị ọ́ va raa za Ijehoyakimi, ohinọyị Ijuda, ana vị ozi Ijehoyakimi ọrịhị hụrị Ijerusarẹmị ne hi Ịbabịrọnị. Ọnịrị avaba ọdọvịdị Ijuda beri ẹnị anaa mẹ ụkọrụvọ ọnịrị aza ana yára mẹ̀ ụkọrọ irenyi-irenyi ọ́ kụ́ na nị.

Ijeremaya 27:20

Ọnị Inebukadineza, ohinọyị Ịbabịrọnị navọ hi ẹtẹ, ụmẹ ọnị ọ sị va za Ijekoniya, ohinọyị Ijuda, ana vị ozi Ijehoyakimi, ụmẹ avọọ ộ rẹ za odeyi-odeyi Anijuda ọnịrị Ijerusarẹmị nịnị.

Ijeremaya 37:1

 nyị ọnọrụ ọnya aanị ana aā hị́ Ịzẹdẹkaya, ozi ọnọrụ ana aā hị́ Ijosaya ọ́ vị̀ nị. Inebukadineza, ohinọyị Ịbabịrọnị ộ sị ọ rị ohinọyị Ijuda. Ụmẹ avọọ, ozi ohinọyị Ijehoyakimi ana aā hị́ Ijehoyakimi a vọrọ ka ọ rị ohinọyị nị.

Ijeremaya 48:38

Ẹnẹyịmavara kà, wèe tu avaba enoze irehi Imowabi ọnịrị ịnị orere ẹnịnị, wé yi re ịsị ọsa huni ka ọzọza aa zị ẹngụ. Ẹyaa zị ẹngụ agụvị ka ọnị ọ sị Imowabi gara ha anka ụnọkọ ọnị ọzọza ka ẹ́ yị nyị ịsị ọnị aa sịị mẹ avọọ.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 8:8

Anikinami nịnị ẹ raà za Anisirẹrị nịnị rị. Ẹnịnị ẹ yị nyị ịsị ẹ vị ịnị akakana anẹkụra nịnị ana vọ