Ijeremaya 22:17 - IWE ỌNỊNỊ

¹⁷ Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ijeremaya 22:17 ပူးပေါင်းရင်းမြစ်များ

1 Ohinọyị 21:19

Wèe tù ịzọọ dị wụ kà a yọ ka, ‘Ẹnẹyịmavara kà wa kà a yọ ka ọ sị ọza wụ̀, ọ rẹ raà kụ́ ogu anị. Rẹ kà a yọ ka Ẹnẹyịmavara kà ịzị irezi yà rèé anya Ịnabọtị avọọ, ịzọọ irezi rẹ vaa yàa rèé anya anị bẹẹ nị.’ ”

2 Ohinọyị 23:37

Ộ mẹ̀ ebira odivi eyi Ẹnẹyịmavara anka ohiku anị nini mẹ vịdị mẹ̀.

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

2 Ịtọpa 36:8

Avaba ịsị Ijehoyakimi mẹ̀ ọnịrị ẹtẹ ọnị o du ne beri ebira odivi anị vị ana a chẹrẹ ẹ tịtẹ ịnị iwe ịtọpa ohinọyị Anisirẹrị ọnịrị Ijuda nịnị. Ozi anị Ijehoyakimi ọ rị ohinọyị tụ́ udi anị nị.

Ijoovu 31:7

Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị,

Ahẹ Ụgama 10:3

Aza edivi vi ene eē sì ịsa edivi di e re yee sii wo oto bẹẹ Ọnọhọha ẹnẹẹ aa kụ̀ Ẹnẹyịmavara ụhụ dị ẹ yaa sị ọ mẹ enyinyi nị.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ụhịrẹyị 24:2

Ẹ mẹmẹ vaa kụ ẹngụkata hi ẹtẹ kẹnẹ e yee ro nị. Irenu ẹnịnị ọ mā ka ọyịza.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 6:6

Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Ezikẹẹrị 19:6

Ịjị ozi anị ọnọnị ta hụ, dị ọnịrị idu ana vọ ê bè uyee zị nị, ộ kọsẹ a mẹmẹ zube, dị ọnị rẹ kụkụ aa za ọzaa rị nị.

Ezikẹẹrị 19:7

Ộ gara ịzị isoja nịnị ee seree ha, dị ọ gara ẹkụra ẹnịnị ha ẹtẹẹtẹrẹ nị. Ụmẹ tụra ụmẹ ọnị ô nowu kẹnẹ, dị ayị aa hụrẹ avaba aza ene hi ịnị ẹkụra ịnẹ.

Ezikẹẹrị 19:9

Ẹnịnị ệ sị arị tụra a na tụ ịnị abọ, dị ẹ sị ọ ne tu ohinọyị Ịbabịrọnị nị. Â jị ọ ẹngwa tụ ịzọọ, agụvị avọọ, dị ọza ẹ̀ yị vana wụ ọ owu ịrẹsụ ataba ene hi Isirẹrị nị.

Ezikẹẹrị 22:6

Wee re, avaba ọdọvịdị Anisirẹrị nịnị vị ana sị ayị tụra ụkata ẹnịnị, dị ẹyaa wụ̀ azaa ha kẹnẹ.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Imika 3:10

Waa mẹ̀ ebira odivi, dị waa wụ̀ ọza nịnị nị. Ịsa ọnị ụ sị nyima ẹkụra Ijerusarẹmị ọ vị ọnọọ nị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Aniroomi 1:29

Avaba ebira odivi vị ana yarị wa. Ẹyaa sẹ̀ ịrẹka, ẹyaa mẹ̀ ịsa edivi, ẹ rẹ yaa mẹ eyọhụrẹ, ệ nyị ayị odivi, dị ẹyaa kụ̀ ụhị pooro. Ẹyaa wụ̀ ọza, ẹyaa zyaazị, di eyee vene ọza, di e re yee sì ka eni ee du ọza ịrẹsụ. Dị ẹyaa kụ́ ọza ịrẹkaa zị,

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Ijosuwa 7:21

Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.