Ijeremaya 22:15 - IWE ỌNỊNỊ

¹⁵ Irehi ọnị ụ sị isida dà, dị o zoza huni irehi aza ana vọ aanị wáá zụ mẹ ka we huna ohinọyị ana vọ nị? Ada awụ ộ mẹ̀ ẹhẹ ẹtẹẹtẹrẹ, ọọ̄ mẹ̀ ịzẹyịza, dị ọ rẹẹ ngụ ayị ọza nị. Ô zee yọ ịnị avaba ịsa ọnị ọ mẹ.

Ijeremaya 22:15 ပူးပေါင်းရင်းမြစ်များ

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

2 Ohinọyị 22:2

Ộ mẹ̀ ebira ene hine Ẹnẹyịmavara ayị. Ộ saasa ebira ọyịza Idevidi ana vị ohiku anị. Ộ nyayịnẹ sị ahụ ku avaba ọda Ohomorihi.

2 Ohinọyị 23:25

Ẹ yị vịdị nyị ohinọyị ana ya anka ọnị, dị ẹ rẹ vana nyị ẹngụ anị ịrẹma anị nị. Ộ hẹkẹ Ẹnẹyịmavara, dị ọ sị avaba ayị anị ọnịrị ụhwẹ anị beri ụkata anị saasa ọda Imosiisi nị.

1 Ịtọpa 3:15

Ijosaya ộ ma ezi ọnọrụ ẹẹna ana aā hị́: Ijohananị, Ijehoyakimi, Ịzẹdẹkaya ọnịrị Ijowahazi.

2 Ịtọpa 34:2

Ộ mẹ̀ ebira ene hine Ẹnẹyịmavara ayị. Ộ saasa ebira ọyịza Idevidi ana vị ohiku anị. Ộ nyayịnẹ sị ahụ ku avaba ọda Ohomorihi.

2 Ịtọpa 35:22

Ijosaya ọ yị va ịrẹma Ineko, dị ọ sị ịsa kù eyi anị ka asị a yẹ ọnị, dị ọnị re oze nọ Ịrẹkụ anị nị. Ọ yị batọ ịrẹyị ọnị Ohomorihi ka yị Ineko, dị ọnọ ịrẹkụ anị Imegido nị.

2 Ịtọpa 35:26

Avaba ịsa ọnị Ijosaya mẹ̀ ịnị ụmẹ ohinọyị anị ọnịrị ọ mẹmẹ jị ẹngụ ngụ ịrẹyị Ohomorihi, dị ọ saasa,

Ụhịrẹyị 20:28

Ohinọyị anaā mẹ ịzẹyịza dị ọ rẹ vayị ọza vị eneē ku orubo ịrẹsụ ode.

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Ụhịrẹyị 25:5

Aa kụ anajuwe odivi kwooze yị ohinọyị, ọ vaa sị ịzẹyịzaa mẹ ịjọva.

Ụhịrẹyị 29:4

Ohinọyị àa sị ịzẹyịza mẹ̀ ịjọva ẹkụraa kwẹẹtẹ nị, ama ohinọyị anaa ba ọza uchuvọta vị ene du ẹkụra.

Ụhịrẹyị 31:9

Dị ọ̀ọ ka ịzẹyịza, dị asị aza re oze mẹ̀ onosiye nịnị rị.

Ịrẹyị Ọzwọzịsa 10:17

Ẹkụra ọnị ohinọyị anị ọ̀ọ vị ozi ọza obooro, dị ọdọvịdị ẹnịnịị rị ịsa ịnị ụmẹ ana vọrọ nị ka nị, ẹ̀ nyarị ịrẹsụ ọyịza.

Ịrẹyị Ọzwọzịsa 2:24

Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ayịsaya 33:16

Ẹngụ aza ẹnẹnị ẹ va zụụ há nị. Vị ẹ vaa sị mẹ anka ọza ana na vaka tụ́ aha ịzị ẹ̀ yị nyị ịsị ẹ zụ kanyị ọ avọọ nị. E vee re ịsaa rị, e re vee re enyi hú.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 22:18

Avọọ, Ẹnẹyịmavara kà, Ijehoyakimi, ozi Ijosaya, ana vị ohinọyị Ijuda aanị: Aza e yi vee sụ ùnè anị ịhị oo su ka, kwaa-kwaa; ọta amị o! Ọza ẹ yị vaa hụvị anịị jị òrèrè ka, Inda o! ohinọyị amị o!

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 42:6

Ẹ ka òo zoza, òo divi, ẹnị vaa saasa ịrẹyị Ẹnẹyịmavara, Ohomorihi ẹnịnị, ọnị ẹnị tụ́ ọnị ee nee tu aanị. Ẹ ka o vee zozaa yị ẹnị, ẹnị ẹ̀ẹ saasa a.

Ijeremaya 7:5

Wàa vara ebira awụ nịnị dị ụ hụụnị ịsa ọnị waa mẹ nịnị nị, waa mẹ ịzẹyịza hi ẹngụ nịnị;

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.