Ijeremaya 22:10 - IWE ỌNỊNỊ

¹⁰ Ijeremaya ka, ẹwụ nịnị Anijuda, asị ụ hụ agụvị ohinọyị Ijosaya jị òrèrè nịnị o. Asị ụ zị ẹngụ anị nịnị oo su. Ama waa jị òrèrè nịnị ẹtẹẹtẹrẹ agụvị ozi anị ana aa hị́ Ijowahazi. Aa vaa sị ọ hụrị ẹkụra ọnọnị ana a ma a tụ. Ẹ́ ma vana vavẹ va si eyi re e.

Ijeremaya 22:10 ပူးပေါင်းရင်းမြစ်များ

2 Ohinọyị 22:20

Ọnị ẹ yị vaa sị ụya ọnị ọnị aa kà rị Ijerusarẹmị eyi anị. Ọnị vaa navọ ọ ka o su ini ẹngwọọrọ da. Dị anọrụ ẹnẹẹ sị enube ọnọọ vavẹ ne tu ohinọyị Ijosaya nị.

2 Ohinọyị 23:29

Ịnị ụmẹ ọnị Ijosaya sị vị ohinọyị gẹdẹ-gẹdẹ, Ineko Ohinọyị Ijipiti sị kụ́ isoja anị nọ irehu Iyuhwuretisi na gụ Ohinọyị Asiriya ụvọ nị. Ohinọyị Ijosaya ộ sị vụrị ka ọnị ọ za isoja Anijipiti jẹẹ Imegido, dị a wụ̀ ọ eyi ịrẹkụ nị.

2 Ịtọpa 36:4

Ohinọyị Ineko mẹ raà chi Ijowahazi hi ẹtẹ, dị ọ sị ẹnẹbẹnị anị ana a hị́ Eriyakimi dọ ịrẹsụ tụ́ Ijuda nị. Ọ mẹ̀ sị rị, dị ọ vara ịrẹha anị tụ́ ịnị Ijehoyakimi nị. Ijowahazi vị ọnị Ineko si nọ Ijipiti.

Ịrẹyị Ọzwọzịsa 4:2

Dị ọnị vaa kà a ka oku ene wusu ọ vana dahi hu aza ana yára nị.

Ayịsaya 57:1

Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata.

Ijeremaya 16:7

Ẹ́ yị vaa nyị ọza ana vaa mẹ̀ ịsa ana yị ọsa avịka a ká enyi na yị aza ọ̀yị sị wa ayị nẹtẹ ka aza ẹngụ ẹnịnị ô sú. Ọza ana ada anị avị ọnyị anị ọọ hyakụ sú, e yi vee re ọza pe e zị ẹngụ.

Ijeremaya 22:11

Ẹnẹyịmavara kà, Ijowahazi ozi Ijosaya ana dọ ada anị ịrẹsụ aa mẹ ohinọyị Ijuda, dị a va za a hụụ ịzẹnị aanị; ẹ́ ma vana vavẹ.

Ijeremaya 22:18

Avọọ, Ẹnẹyịmavara kà, Ijehoyakimi, ozi Ijosaya, ana vị ohinọyị Ijuda aanị: Aza e yi vee sụ ùnè anị ịhị oo su ka, kwaa-kwaa; ọta amị o! Ọza ẹ yị vaa hụvị anịị jị òrèrè ka, Inda o! ohinọyị amị o!

Ijeremaya 22:27

Ọ kà a vanaa vụva ka ẹnị ẹ̀ vavẹ ẹkụra ẹnịnị ọnọnị, ama ẹnịnị ẹ ị ma vana zụ vavẹ.

Ijeremaya 25:27

Dị Ẹnẹyịmavara kà a yị Ijeremaya ka ọ̀ kà a yị yị avaba aza ka, ọnị Ẹnẹyịmavara Ochẹtẹẹngụ, Ohomorihi Anisirẹrị ọọ mẹ ọda yị wa ka ẹnịnị è hú eche ọnọnị ne tu ịjị aa mẹrị wa dị ẹyaa hẹrẹ nị, ẹ̀ vavọọ hú ọ ne tu ka ẹnịnị ẹ̀ sẹ ẹdụ dị asị ẹ́ kụkụ zụ kwẹẹtẹ, agụvị ka ọnị aa kụ́ ịrẹkụ nee tù wa.

Ijeremaya 28:4

Ọ kà Ẹnẹyịmavara kà ọnị vaa sị Ijehoyakimi ozi Ijehoyakimi, ohinọyị Anijudaa vaa vẹ, beri avaba Anijuda ana a dụ ne hi Ịbabịrọnị. Ẹnẹyịmavara kà, ịzẹyịza, ọnị vee che ọkẹẹkẹrẹ ohinọyị Anibabironiya vaaha.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Arụwẹ 4:9

Aza ana a wụ̀ eyi ịrẹkụ e dahi huna aza ene vene sù ene e yi re ịsa rị, dị ụngwẹ tangwa wụ̀ wa va ha nị.

Ezikẹẹrị 24:16

Ozi-ọza ọnị vee mí ịsa ụpọnya, dị ọnị sị wụ̀ ọza ọnị ọnị sị̀ ịrẹyị anị hu kere-kere. Ẹnẹyịmavara kà ọnị ọ̀ọ sị ọ wụ, asị ọnị Ezikẹẹrị kụ ịrẹka, asị ọnị jị òrèrè; asị ọnị hyakụ ka ẹgọ o.

Iruuku 23:28

Dị Ijeesu kana eyi sì wa, dị ọ ka, “Ẹwụ nịnị ezi anẹẹ Ijerusarẹmị, asị ụ jị òrèrè amị nịnị! Ama waa jị òrèrè ẹngụ awụ nịnị ọnịrị ezi ewu nịnị!