Ijeremaya 21:13 - IWE ỌNỊNỊ

¹³ Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.

Ijeremaya 21:13 ပူးပေါင်းရင်းမြစ်များ

Ahẹ Ụgama 125:2

Anka ataba mẹ̀ kara Ijerusarẹmị okiri-okiri avọọ, avọọ Ẹnẹyịmavara mẹ̀ yà kara aza anị hụrẹ ọyaanị pooro zịna-zịna nị.

Ọyịkụra 13:20

Anisirẹrị nịnị mẹ̀ hụrẹ Isukoti dị ẹ na kụ́ udi tụ́ ụnọmị ịzị aā hị́ Etami nị.

Ọyịkụra 13:8

Dị ọ ka ẹ̀ẹ yaa rị eche ọnọọ dị ẹ kà a yi ezi ẹnịnị ka eche ọnọọ vị ẹnị ẹnị aa sịị tamayị ịsa ẹnị Ẹnẹyịmavara mẹ yị, ẹnị ẹnị mẹ̀ jịnẹ hụrẹ Ijipiti.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ijeremaya 17:3

Waa nọ ịnị ataba ene hi ịnị akakana ẹkụra naa mẹ ori nịnị. Agụvị avọọ dị Ẹnẹyịmavara kà ọnị vaa mẹ ka ọnịvị awụ nịnị ẹ̀ va kụ́ ogu awụ nịnị ọnịrị ịsa ọkụmị-ọkụmị ọnị ụ nyị nịnị agụvị ebira odivi ọnị waa mẹẹ ngụ ẹkụra awụ nịnịị zị.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 50:31

Ọ kà, ẹwụ nịnị Anibabironi, wa raa sị ẹngụ awụ nịnị tụ ẹba baaba, agụvị avọọ, ọnị Ẹnẹyịmavara Ochẹtẹẹngụ Ochẹtẹngụ, ọ́ raa kwẹẹtẹ tu wu nịnị. Ụmẹ ọnị o i tu ka ọnị ọ̀ sị ụya rị wụ nịnị.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Arụwẹ 4:12

Ẹ yị nyị ohinọyị nịnị, a vị ọza ọnyọọnyị ịnị ẹhẹ ana dọ vị ịzẹyịza ka ọnịvị Anijerusarẹmị ẹ zụ jịnẹ ẹbanoze oze ana aā zịị ngụ Ijerusarẹmị vụrụ-vụrụ.

Ezikẹẹrị 13:8

Avọọ Ẹnẹyịmavara Ananyị ụkata hu kà a yi wa nị ka: Avaba ịrẹyị ọnị waa kà nịnị vị apẹ, dị ẹtẹ ọnị ụ ka wee re nịnị vị ireche nị. Ọnị ọ́ raa và eyirazị ka wụ nịnị.

Ezikẹẹrị 21:3

Ọnị, Ẹnẹyịmavara ọ́ sị vara ọnịvị awụ nịnị o, ọnị vaa tụ̀ ụhwọza anị, dị ọnị wụ̀ avaba awụ nịnị ha, hi ọza ọyịza, hi ọza odivi awụ nịnị.

Ezikẹẹrị 34:10

Ọnị Ẹnẹyịmavara Ochẹtẹẹngụ ka, ọnịvị awụ nịnị ọnị kụkụ vị nị. Ọnị vaa dọ atẹmẹ anị hụrẹ ẹwụ nịnị ụvọ. Ọnị ọ́ ma vana zẹẹ ka we sere wa nịnị. Ọnị ọ ma rẹ vana zẹẹ ka waa tẹsị ẹngụ awụ nịnị ịnyara kẹnẹ. Ọnị vaa dọ atẹmẹ anịị hụrẹ ẹwụ nịnị ụvọ ọnị ẹ́ ma vana zẹẹ ka waa sị waa mẹ ụngwẹ nịnị.

Ezikẹẹrị 5:8

Ẹnẹyịmavara kà ọnịrị ẹwụ nịnị Anijerusarẹmị ọ́ raa sị eyi gẹrị ẹngụ. Ọnị vaa sị́ ụyaa rị wụ nịnị dị avaba anẹkụra ana vọ nịnị è ré e.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịnahụmị 2:13

Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.