Ijeremaya 21:1 - IWE ỌNỊNỊ

¹ Â nyị ohinọyị Ijuda ọnyaa ana aā hị́ Ịzẹdẹkaya. Ẹkụhị ọnya dị ọ́ tụ ọnọrụ ana aā hị́ Ipasihuri ana vị ozi Imikaya ọnịrị Ịzẹhwanaya ozi Imaseya ne tu Ijeremaya nị. Ịzẹhwanaya vị ohirẹsụ irehi Ohomorihi.

Ijeremaya 21:1 ပူးပေါင်းရင်းမြစ်များ

2 Ohinọyị 22:13

Ohinọyị kà ẹnịnị ẹnẹ na họ̀ Ẹnẹyịmavara yị ọnị ọnịrị aza ana vọ tụ Ijuda ịsị ana ya ịnị iwe ene e hee aanị. Ộ ka Ẹnẹyịmavara ô du ayị hi ẹnị agụvị ohiku ẹnịnị ana mẹ̀ akamawụ hi ịrẹyị anị, dị ẹ̀ yị mẹ̀ ịsị iwe ọnọnị kà a vọrọ ka a mẹ.

1 Ịtọpa 3:15

Ijosaya ộ ma ezi ọnọrụ ẹẹna ana aā hị́: Ijohananị, Ijehoyakimi, Ịzẹdẹkaya ọnịrị Ijowahazi.

1 Ịtọpa 9:12

Adaya, ozi Ijerohami ohiku-ohiku anị ana vọ ẹ vị Ipasihuri, ọnịrị Imarikija nị. Imaasayi ozi Adiyẹrị. Ohiku-ohiku anị ana vọ ẹ vị Ịjazẹra, Imesurami, Imesiremiti, ọnịrị Imeri, beri aza ẹnịnị.

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Inehemaya 11:12

Ogu ẹnị ana mẹ̀ ụkọrọ ini irehi Ohomorihi vị anọrụ akana tụra ohurẹẹva (822); Adaya ozi Ijerohami ana vị ozi Iperariya ozi Amizi; Amizi ọnọnị vị ozi Ịzakaraya, ozi Ipasihuri ana vị ozi Imarikija.

Ijeremaya 29:25

Ẹnẹyịmavara Ochẹtẹẹngụ, Ohomorihi Anisirẹrị ka, waa sị ịrẹha ẹngụ awụ chẹrẹ ịrẹta tu hi avaba aza ene hi Ijerusarẹmị, ọnịrị ohirẹsụ irehi Ohomorihi ana aā hị́ Ịzẹhwanaya ozi Imaseya beri avaba ohirẹsụ irehi Ohomorihi ana vọ, waa kà a yị Ịzẹhwanaya ka:

Ijeremaya 29:29

Ijeremaya ka Ịzẹhwanaya ộ ka ịrẹta ọnọọ zụ ọnị,

Ijeremaya 35:4

dị ọnị kụ wa vẹ ịnị irehi Ẹnẹyịmavara nị, ọ ka ọnị ộ kụ wa ngụ ịnị akụ ezi ọza Ohomorihi ọnya ana aā hị́ Ihanani. Ada Ihanani â hị́ Igidarịya nị ọ ka aku ọnị ọnị kụ wa ngụ ịnị anị aanị vị ana gụrị aku ẹnị ọdọvịdị ịnị irehi Ẹnẹyịmavara, dị ọ yà ẹbẹẹba akụ ọnọrụ ana aā hị́ Imaseya ana vị ozi Isarumi nị.

Ijeremaya 37:1

 nyị ọnọrụ ọnya aanị ana aā hị́ Ịzẹdẹkaya, ozi ọnọrụ ana aā hị́ Ijosaya ọ́ vị̀ nị. Inebukadineza, ohinọyị Ịbabịrọnị ộ sị ọ rị ohinọyị Ijuda. Ụmẹ avọọ, ozi ohinọyị Ijehoyakimi ana aā hị́ Ijehoyakimi a vọrọ ka ọ rị ohinọyị nị.

Ijeremaya 37:17

Ộ dàku-dàku, dị ohinọyị Ịzẹdẹkaya tụ ka à sị ọnị ve tu ọnị ịnị irehi ohinọyị nị. Ọnị ô tu ịzọọ dị ohinọyị were họ̀ ọnị usirẹyị ka, aa nyị Ẹnẹyịmavara mẹ kà kẹ? Dị ọnị tụ́ ohi ka, aa nyị de, Ẹnẹyịmavara kà vị a vaa sị o chire ohinọyị Ịbabịrọnị ụvọ nị.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 37:7

ọnị, Ohomorihi Anisirẹrị nịnị ka; ọnị ọ̀ kà a yị ohinọyị Ijuda ana tụ ọnị ve tu ọnị avọọ ka: isoja Anijipiti yà oze aa vẹ vaa gụ wa ụvọ, ama ẹnịnị vaa vàa nọ eehi ẹnịnị.

Ijeremaya 38:1

 nyị anọrụ ẹnẹẹ ana aā hị́ Isehwatiya ozi Ịmatanị, Igidarịya ozi Ipasihuri, Ijukarị ozi Iseremaya ọnịrị Ipasihuri ozi Imarikija. Ijeremaya ka aza ẹnẹnị ệ wụ́ ọnị maa kà a yị aza ka,

Ijeremaya 38:14

Ijeremaya ka, â nyị ẹkụhị ọsa, dị ohinọyị Ịzẹdẹkaya yà enoze ọhụta irehi Ohomorihi, dị ọ́ ka asị ọnị vẹ nị. Ọnị ô tu ịzọọ, dị ọ ka, ịrẹyị ọnị ọnị aa vaa họ̀ ọnị use aanị, ọnị ee sị ka ọnị ọ̀ kà avaba ịzẹyịza anị yị ọnị.

Ijeremaya 52:24

Inebuzaradani, ana vị ọdọvịdị isoja ene ee sere ohinọyị aanị ộ zá ohirẹsụ ịrẹsụ ọbanyị irehi Ohomorihi ana aā hị́ Iseraya. Dị ọ́ rẹ za ohirẹsụ irehi Ohomorihi ana va tụra a, ana aā hị́ Ịzẹhwanaya beri ọdọvịdị irehi Ohomorihi ọkọọka ọsa ẹẹta nị.