Ijeremaya 20:8 - IWE ỌNỊNỊ

⁸ Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ijeremaya 20:8 ပူးပေါင်းရင်းမြစ်များ

2 Ohinọyị 2:23

Erisa ộ hụrẹ Ijeriko nọ Ịbẹtẹrị. Ọ́ maa na oze, di ezweyi-ezweyi ẹnyị aanị jịnẹ hi ẹhẹ ịnị ẹkụra ọnọọ, dị ẹyaa ku Erisa isiya, dị ẹyaa hị́ Erisa ọ̀ sị ọmarị anị kwooze! Ọ̀ sị ọmarị anị kwooze nị!

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ayịsaya 57:4

Ẹnị ụ waa mẹ̀ isiya nịnị? Ẹnị u wee nyí unyi, dị ụ waa kà kẹnẹ-kẹnẹ hi nịnị? Áa vị ezi aza ana mẹ̀ ebira odivi ụ vị nịnị; anapẹ ẹ ma wụ nịnị nị.

Ijeremaya 15:10

Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị.

Ijeremaya 15:15

Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 20:7

Ijeremaya ka, tee! Ẹnẹyịmavara, ọ sị ọnị vene ọ, ọ ka, Ẹnẹyịmavara ọ nyị ụkata hu ọnị nị, ọ́ raa nyị ẹbẹẹba anị. Dị avaba ọza kụkụ ee nyi ọnị unyi eyinị-eyinị nị.

Ijeremaya 28:8

Ijeremaya ka, ọnịsẹ nịnị ana yà ọvịdị ọnịrị Ịhananịya ệ kà a da ka ịrẹkụ, ụngwẹ ọnịrị ụkụ vee tù anẹkụra ọrụrụ-ọrụrụ ọnịrị ohinọyị nịnị ana nyị ụkata ẹtẹẹtẹrẹ.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ihabaku 1:3

Dị ọ rẹ họ̀ Ẹnẹyịmavara ụsẹ ka sị ẹ vẹ dị ọ navọ ka aza ẹnyị ẹ̀ mẹ ọsa rị, dị ọnị oo re e? Dị ọ ha ẹtẹ tụ́ aza ka ẹẹ zyaazị, ee ba egidi, ẹẹ wụ́ ẹngụ ha, dị aza ẹnyị aa kụ́ ogu ọsa mẹ̀ anị.

Iruuku 11:45

Dị ọzwọzọda ọnya tụ́ ohi, dị ọ ka, “nda, wàa maanị aa kà, ụ waa kụ̀ yị ụhụ bẹẹ avọọ nọ!”

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.