Ijeremaya 20:5 - IWE ỌNỊNỊ

⁵ Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.

Ijeremaya 20:5 ပူးပေါင်းရင်းမြစ်များ

2 Ịtọpa 36:10

Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.

Ayịsaya 39:6

Ẹkụhị aa vẹ a vaa kụ́ avaba ịsa ene hi ịnị irehi anị, ọnịrị avaba ịsa ọnị ohiku ẹnịnị raà kụ́ tẹ̀ va ngụ ụmẹ ọnọọ nọ Ịbabịrọnị, Ẹnẹyịmavara kà ẹ yị nyị ịsa ana vaa vọ.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 15:13

Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị.

Ijeremaya 17:3

Waa nọ ịnị ataba ene hi ịnị akakana ẹkụra naa mẹ ori nịnị. Agụvị avọọ dị Ẹnẹyịmavara kà ọnị vaa mẹ ka ọnịvị awụ nịnị ẹ̀ va kụ́ ogu awụ nịnị ọnịrị ịsa ọkụmị-ọkụmị ọnị ụ nyị nịnị agụvị ebira odivi ọnị waa mẹẹ ngụ ẹkụra awụ nịnịị zị.

Ijeremaya 3:24

Ama ori ana aā hi Ịbaarị anaā mẹ̀ ụhị nyị ọza ọnị ẹnị aa hẹkẹ ọ raa mẹ ka atẹmẹ ọnịrị imaaru ẹnịnị beri ezi ẹnịnị ẹ̀ ta hi ẹnị ụvọ. Avaba ogu ọnị ohiku ẹnịnị mẹ tịtẹ yị ẹnị hụrị ụmọrụmọ ẹẹ ta.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 39:2

Ịnị ana tụ ọ ẹkụhị ịhịịna ịnị ụhwẹ ọhụna ịrayị ẹwụrọnya ọnị Ịzẹdẹkaya rị ohinọyị, dị ẹ chaka ọvọ ana a jị kara Ijerusarẹmị nị.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Arụwẹ 4:12

Ẹ yị nyị ohinọyị nịnị, a vị ọza ọnyọọnyị ịnị ẹhẹ ana dọ vị ịzẹyịza ka ọnịvị Anijerusarẹmị ẹ zụ jịnẹ ẹbanoze oze ana aā zịị ngụ Ijerusarẹmị vụrụ-vụrụ.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.