Ijeremaya 20:12 - IWE ỌNỊNỊ

¹² Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Ijeremaya 20:12 ပူးပေါင်းရင်းမြစ်များ

2 Ịtọpa 24:22

Ohinọyị ô hí ayị avaba ụkọrọ ọnị Ijehoyada ana vị ada Ịzakaraya mẹ̀ yọ, dị ọ ka wụ́ Ịzakaraya nị. Ịzakaraya mee su, dị nowu tụ ẹba, dị ọ ka, Ohomorihi ọ sị ụya ebira ẹnịnị rị wa.

Ahẹ Ụgama 11:5

Ẹnẹyịmavara ee re ịsị ọnịzẹyịza aa mẹ. Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.

Ahẹ Ụgama 139:23

Ohomorihi, zama mi re, dị wa yẹ ayị amị. Mị ka wa zama mi re dị wa yẹ ịsị mee ro.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ahẹ Ụgama 54:7

Ohomorihi ọ raà tụ̀ mị hụụnị avaba ẹngụkata amị A sị ọnịvị huna ini eyi amị.

Ahẹ Ụgama 58:10

Ịjị ọnịzẹyịza èe re ka a raà sị ụya rị aza edivi ẹnịnị vaa jẹ, dị ẹ yaa kụ́ ahụụ hi aza edivi naa paraahu.

Ahẹ Ụgama 59:10

Ohomorihi vaa tụ́ ọvịdị amị, ọ vaa mẹ ka ma nyị ẹbẹẹba aza ene ee du mi ịrẹsụ.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Ahẹ Ụgama 7:9

Mâ yẹ ka ẹwụ vị Ohomorihi ana aā mẹ ịrẹyị ana vọrọ. Wâ yẹ ịsa oni yee ro ọnịrị ịsa oni yee sì ịnị ayị ayị. Navọ wa za aza edivi ụvọ chire enyi, dị asị ẹ rẹ kụkụ chamayị. Navọ dị wa sị ahụ aza ana aa mẹ ịzẹyịza jẹẹ.

Ahẹ Ụgama 86:4

Ẹnẹyịmavara, aarịhịnị navọ wa mẹ ka ẹmị ozida awụ ọ̀ zụ nyị ayị ohine, agụvị ka ẹwụ mị sị ayị tụra nị.

Ayịsaya 37:14

Ihezekaya ộ dọ iwe ọnọọ hụụnị ụvọ ọnụtụ ẹnẹẹ, dị ọ kà a nị. Ọ sị ọ ka, dị ọ nọ ini Irehi Ẹnẹyịmavara, dị ọ sị tụ ọvịdị Ẹnẹyịmavara nị.

Ayịsaya 38:14

Mị vụrị ee nowu anka inomi ịnị avị, di mee tii anka arivadi avọọ nị Eyi anị ọ sị kata mm mẹ kụ eyi hi ẹbẹẹba ee zi Ananyị mị va gụ mị ụvọ hụụnị akanya amị.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 12:8

Ọ kà, aza anị vị ana kụkụ sị mẹẹ anka idu ana yà ịnị iruku avọọ yị ọnị. Ẹnịnị ee nowu ka ẹnị ee si ọnị, agụvị avọọ ọnị ọ yị kụkụ sì ịrẹyị ẹnịnị.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

1Ipita 4:19

Agụvị avọọ aza ana aa rị ụya agụvị ka Ohomorihi ọ́ọ vavọọ sì ọ, ẹ̀yịị mẹ ọyịza, dị ẹ̀ sị ẹngụ ẹnịnị chire Ohomorihi ụvọ! Ohomorihi ana tụ́ wa vẹ ẹhẹ vị ọnịzẹyịza.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?

1 Ịsamụwẹrị 1:15

Di Ịhaana ka, “Nda, me yi hú eche o! Ịrẹyị ịnị ẹngụ amị ana va mị ẹngụ hi m maa kà zụ̀ Ẹnẹyịmavara nị.