Ijeremaya 20:11 - IWE ỌNỊNỊ

¹¹ Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 20:11 ပူးပေါင်းရင်းမြစ်များ

Ahẹ Ụgama 129:2

Ệ mẹ ehuna mi m mẹ̀ hụrẹ vi ozweyi, ama ẹnịnị e yi zụ hu mi ẹtẹ.

Ahẹ Ụgama 35:26

Navọ ahịka ụhị ọ va nyị avaba aza ana aa jẹ ka ịrẹyị ô tù mi nị dị wa và ẹhẹ ẹnịnị zi Navọ wa tọ aza ana aa mẹ eyi ka eni ê huna mị dị ụhị ọ̀ nyị wa.

Ahẹ Ụgama 40:14

sì ka ẹnị ẹ dọ mị ụhwẹ Aza ene ee sì ka ẹnị ẹ̀ wụ̀ mị, navọ ụhị ọ̀ nyị wa dị ẹ sị varẹma.

Ahẹ Ụgama 47:2

 nyị ka ọza òo hí angwa Ẹnẹyịmavara ana nẹba hu keekere Ọnị ọ vị ohinọyị ọbanyị ana nyị avaba ẹhẹ nị.

Ahẹ Ụgama 6:10

Avaba ọnịvị amị vị ana vaa tẹ, dị ẹngụkata tù wa. Ohomorihi vị ana vaa mẹ ụhịị nyị wa, dị ẹ wụsẹ và ịrẹma amị.

Ahẹ Ụgama 65:5

Wâ wụ́ aduwa ayị, dị ụ mẹ ka ye huna ọnịvị ayị nị Ohomorihi anaā dọ yịị ha, ẹwụ avaba anẹhẹ saka-saka avaba aha sị ayị tụra nị.

Ahẹ Ụgama 66:5

Vẹ di we ve re ịsa oni Ohomorihi mẹ, ụkọrọ anị vi ene hi avabaa aza ene re e irenu.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 45:16

Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa.

Ijeremaya 1:18

Ọ kà dị Ẹnẹyịmavara kà, re, hụrị ajịnị, ọnị ọ mẹ̀ ọnị ka ọnị ọ̀ ya anka ẹkụra ana jị ọvọ kara avọọ, ọnị ọ̀ ya anka ọhẹ ana a sị enyusẹ mẹ, dị ọnị ọ̀ rẹ ya anka ugene ana sị enyusẹ ọkatẹngụ mẹ avọọ nị. Ẹnẹyịmavara kà agụvị ka avaba Anijerusarẹmị ẹnịrị ohinọyị Anịjuda nịnị, ẹnị ọdọvịdị nịnị beri ẹnị ohirẹsụ irehi Ohomorihi nịnị vaa kwẹẹtẹ tụ ọnị.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ijeremaya 15:15

Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 15:20

Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 22:22

Ọdọvịdị awụ nịnị vana ahị vaa kụụ kwooze. Aza ẹnẹ ẹwụrịị sì ịrẹyị ẹngụ nịnị vana vaa za ọrịhị eyi ịrẹkụ. Ẹkụra awụ nịnị vana vaa mẹ ụhịị nyị di ụhị aa nyị ụ nịnị agụvị ebira odivi ọnị ụ mẹ nịnị.

Ijeremaya 23:40

Ọ kà, ọnị vaa mẹ ka à kụkụ mẹ wa isiya pooro zịna-zịna nị. Dị ọnị mẹ̀ ụhị nyị wa ọnị ẹnịnị ẹ̀ yị vee hi ayị anị paa.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.