Ijeremaya 20:10 - IWE ỌNỊNỊ

¹⁰ Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 20:10 ပူးပေါင်းရင်းမြစ်များ

1 Ohinọyị 19:2

Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ohinọyị 22:27

Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.”

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Ijoovu 19:19

Ọta amị ẹnị mị sị mẹ ọnịnẹ vị ẹnị mị kụkụ aa nyị ịhyẹrẹ. Aza ẹnị mị sì ịrẹyị anị hu, ẹ raà và eyirazị ka mị.

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ahẹ Ụgama 31:14

Ama Ẹnẹyịmavara, ẹwụ mị sị ayị tụra nọ Mị ka ẹwa vị Ohomorihi amị nị.

Ahẹ Ụgama 41:10

Ẹnẹyịmavara, navọ wa vayị amị navọ wa sị mị kwẹẹtẹ di me si wa atọ.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ahẹ Ụgama 57:4

Aza ana kara mị vị ana yà anka idu avọọ Ẹnịnị vi uye odivi ana aā na ọzaa rị Ẹ zụ sị ịrẹyị irenu ẹnịnị wụ̀ ọza obobooro anka ụhwọ Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.

Ụhịrẹyị 10:18

Anapẹ ọ sị ẹnyị tụ ịnị ịnẹ ka ọsa nị, ọnụra oō du ọza nị.

Ayịsaya 29:21

Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 11:21

Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 20:3

Ijeremaya ka, ẹnẹnẹ eyinẹhẹ anị, Ipasihuri mẹ raa hụrẹ ọnị ụvọ, dị ọnị kà a yọ ka, ẹ́ yị vị Ẹnẹyịmavara ọ sị ịrẹha yọ ka ọnị ọ rị Ipasihuri. Ịrẹha ọnị ọ sị yọ ọ vị ochire ọza angwa avaba aha nị.

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ezikẹẹrị 22:9

Aza ẹnyị ịnị ẹngụ awụ nịnị vị enee du azaa zị ụvị dị aa wụ̀ aza ẹnẹẹ. Aza ẹnyị ịnị awụ nịnị aa nọ ịrẹsụ ataba naa rị ịsị aa sị mẹ̀ ịsọvọ yị ori nịnị. Dị ahịka ịsị ọchẹngụ aza enyi èe sì kẹnẹ ẹẹ mẹ nị.

Ịdanịyẹrị 6:4

Ịjọnọọ, dị ẹnị ana a ka è si eyi pe Ịgọvọnọ nịnị ne beri Ịgọvọnọ ẹnẹnị ee si iruvo Ịdanịyẹrị nị. E yee sì ịrẹyị ene e ve sii du ọ ka ẹ yị mẹ̀ ụkọrọ ẹtẹẹrẹ. Ama ẹnịnị e yi re ịsa sị ụvọ za, agụvị ka Ịdanịyẹrị vị anaa sị ịzẹyịzaa mẹ̀ ụkọrọ anị.

Iruuku 20:20

Dị ẹnịnị kuku ee be e nị. Dị ẹ tụ́ aza ana aa mẹ apẹ ka ẹnị ệ nyị ịzẹyịza ka è ne be Ijeesu ịnị ịrẹyị ana aa kà nị, agụvị dị ẹnị ẹ̀ zụ za a, dị ẹnị ẹ̀ sị ọọ ne chire ọda ịgọvọnọ ụvọ. Ịgọvọnọ ọnọọ vị Aniroomi; ộ nyị ọda ọnịrị ụkata.

Odeyi 24:13

Ẹ yị nyị ịsị ẹ rẹ zụ sị sị zụ̀ wụ ka ịsị ẹ ka mâ mẹ aanị vị ịzẹyịza.

Odeyi 5:33

Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.

Odeyi 7:54

Ịjị anikootu maanị wụ́ ịrẹyị ẹnẹnị, ayị ẹnẹnị ọ sị tụ̀, dị ẹyaa rị anyịị hi ọọ nị.