Ijeremaya 2:37 - IWE ỌNỊNỊ

³⁷ Ụhị-ụhị ụ vaa sị hụrẹ Ijipiti nịnị. Ẹnẹyịmavara kà aza ọnị ụ sị ayị tụra nịnị avọọ vị ọnị ọnị yi tịtẹ. Ẹ yị nyị ọgụ ịsị ụ vaa rị hụụnị ụvọ ẹnịnị.

Ijeremaya 2:37 ပူးပေါင်းရင်းမြစ်များ

2 Ịsamụwẹrị 11:12

Di Idevidi ka Uriya ọ̀ yà ịzọọ mẹ ẹkụhị ọnya tụ́ ọ nị. Ọ kà ụhwọọ dị ọnị tụ́ ọ varẹma. Di Uriya yà Ijerusarẹmị ịhị ọnọọ ọnịrị eyinẹhẹ anị nị.

2 Ịsamụwẹrị 13:19

Di Ịtama ka ezi hi ịrẹsụ ana sị zụ̀ ka ayị anị ô du, dị ọ na awuru ọgọdọ anị ọnọọ oni o chire, dị ọ tụ̀ ụvọ kú ịrẹsụ dị aa tụ́ oreree na nị.

2 Ịtọpa 13:12

Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 28:18

Eku ẹnị ẹwụrị iswọọza hị́ yị ẹngụ vị ana vaa vi osusu. Ịrẹyị ẹwụrị ikuta oni u ro ka ọ sị jẹẹ vị ana vaa tụ́ ahịị ha. Ịjị ịrẹyị odivi ọ̀ọ vẹ, vi o vee hú wu ẹtẹ nị.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 14:4

Ka orihi ẹ yị zụ̀, ẹtẹ ọ sị wụ, ayị ọkụrẹkụ nịnị e si du; ẹnịnị kụkụ aa sị eyi tẹ.

Ijeremaya 17:5

Ẹnẹyịmavara kà, ẹ́ yị vee zozaa yị aza ana và ịrẹma anị dị ẹ kụkụ sị ayị tụra ọzarẹyịrẹsụ ọnịrị ụkata ọza.

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 22:20

Ijeremaya ka, ẹwụ nịnị Anijerusarẹmị, nọ Ịrẹbanọnị nịnị dị we nee nowu, nọ ẹtẹ Ịbasanị dị waa jị òrèrè nịnị. Yà ịnị ataba Imowabi dị wee nowu booro-booro nịnị, agụvị ka asị avaba aza ẹnẹ ẹwụrị sì ịrẹyị ẹngụ nịnị hu ẹtẹ.

Ijeremaya 22:30

Ẹnẹyịmavara kà ọnị ọ sị ọkarẹyị mẹ yị ọnọrụ ọnọnị ka avaba ezi anị vaa jị ọ ụvọ. E yị vee zee yọ. Ẹ yị nyị ịpa anị ana vanaa yaatụ ịrẹsụ aga ohinọyị Idevidi ọ̀ yị mẹ ohinọyị ẹtẹ Ijuda paa.

Ijeremaya 32:5

Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Arụwẹ 4:17

Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.

Ịrịka 14:41

Dị Imosiisi họ̀ wa ka sị ẹ vẹ dị ẹ yaa yị mẹ akamawụ hi ọda Ẹnẹyịmavara? Ọ kà ẹnịnị e yi vee re mẹ.