Ijeremaya 2:34 - IWE ỌNỊNỊ

³⁴ Anya aza anaa rị ụya ọnịrị aza ẹnẹ ẹ̀ yị nyị ịsị ẹ mẹ̀ e si che ku u nịnị ịta. Wẹ yị za wa ka ẹ yaa chaka oze ọyị ngụ ụ nịnị irehi. Waa maanị yị mẹ avaba ẹsẹnị,

Ijeremaya 2:34 ပူးပေါင်းရင်းမြစ်များ

2 Ohinọyị 21:16

Ịmanasẹ ộ wụ̀ aza ọrụrụ-ọrụrụ ẹnẹ ẹ yị nyị ịsị ọ mẹ̀, dị ee sí chava avaba aha Ijerusarẹmị nị. Ịrẹma ịvị ọnọnị, dị ọ rẹ mẹ ka aza ene hi Ijuda ẹ mẹ̀ ebira odivi ọvịdị Ẹnẹyịmavara nị.

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

Ọyịkụra 22:1

Ọza òo ne yị imaaru àa vị atẹmẹ dị ọ wụ̀ ọ à vị ka dị ọ ná a nị o vee si ụta varẹma. Àa vi imaaru o ne yi nị, imaaru ẹẹhị o vee sii si ụta imaaru ọnya ọnọọ nị. A va vị atẹmẹ o ne yi nị, dị ọ sị atẹmẹ ẹẹna sị ụta atẹmẹ ọnya.

Ọyịkụra 22:2

Oyi àa chaka irehi ka ọnị ọ̀ ngụ ọ dị a nya a ịsa di o sú nị, ọza ana wụ̀ ọ ọ yị rị ịvị, agụvị ka vị ọ ka ọnị ọ̀ dọ ẹngụ anị tụ́ nị.

Ayịsaya 57:5

Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị.

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 2:33

Waa yẹ ọbọ irenyi-irenyi o yi sì aza ọnị ụ sì ịrẹyị anị nịnị, ọsẹrẹka ene divi hu kere-kere ee tu ịdị awụ nịnị vị ẹ yaa kọsẹ nị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Arụwẹ 4:14

Ọnịsẹ ọnịrị ohirẹsụ irehi Ohomorihi ẹnịnị vị anaa ngụ ubooro zịịzị anka ogweyi avọọ. Anya aza ẹnẹ mẹ̀ ka a wụ̀ vị ene che ku wa, dị o du wa ẹngụ. Ẹ yị nyị ọza ana kụkụ dọ ka ọnị ọ hyakụ sị ụvọ kanyị wa awuru.

Ezikẹẹrị 20:31

Tu ajịnị-tu ajịnị vị ọnị waa yịị mẹ̀ ịsọvọ ọnyọọnya ọnị ohiku awụ nịnị ẹnị rẹ mẹ. Dị waa rị ezi ewu nịnịị ịraa mẹ̀ ịsọvọ yị ori ẹnịnị nị. Wa sị ẹngụ awụ nịnị du ẹngụ. Ana ẹwụ nịnị Anisirẹrị ee yii ve họ̀ use ka sị ọnị venee sị da. Àa vị ọnị Ẹnẹyịmavara ọ yị vị Ohomorihi ana yara nị, ọnị ẹ́ yị vaa zẹẹ ka wa yẹ ịsị ẹ vị oyisì anị nịnị.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Ezikẹẹrị 23:45

Ama aza ọyịza vaa jị ịvịị yị wa ka ẹnịnị ệ sẹ̀ ịrẹka, ệ rẹ wụ̀ aza, agụvị ka ẹnịnị ệ sẹ̀ ịrẹka ọnịrị ka ọza ọ raa dà gẹ wa ụvọ.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.