Ijeremaya 2:30 - IWE ỌNỊNỊ

³⁰ Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 2:30 ပူးပေါင်းရင်းမြစ်များ

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 19:14

Di Erija ka, “Ụhị vị ọnị mị nyayịnẹ aa kụ̀ agụvị Ẹnẹyịmavara ana vi Ohomorihi anaā kụ̀ ịrẹkụ. Ịrẹyị ẹnị ẹwụrị Anisirẹrị kà tịtẹ, ẹ sị và hụụnị anị, atakuji ịzị a yàā mẹ̀ ịsọvọ wụ, e si o wú va ha, dị ẹ rẹ za ọnịsẹ awụ, dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yee sì ka ẹnị ẹ̀ hyakụ dọ mị ụhwẹ bẹẹ nị.”

2 Ịtọpa 24:21

Dị ẹnịnị geyi tu ọ, dị ohinọyị mẹ̀ ọda ka a sị ịrẹta wụ́ Ịzakaraya ịnị ohweje irehi Ohomorihi nị.

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Inehemaya 9:26

Ama ẹnịnị ệ mẹ akamawụ hi wu, ệ kụ̀ hịrẹ wụ, dị ẹ varẹma ka ọda awụ, dị ẹ wụ̀ avaba ọnịsẹ ana ka wa ọnọ ka ẹ̀ va ka wụ vẹ nị. Ụmẹ tụra ụmẹ ẹ yaa kàa chire wụ nị.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ezikẹẹrị 22:24

Ozi-ọza, ọnị ọ̀ kà a yị Anisirẹrị nịnị ka, ẹkụra ẹnịnị ẹ́ yị vị nị, agụvị avọọ, ọnị vaa sị ụyaa rị wa agụvị ka ọnị aa kụ ayịị hi wa.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

Ịzẹhwanaya 3:2

Ẹnịnị ẹ yị wụ́ chire Ẹnẹyịmavara. Àa kà a yị wa pooro ẹnịnị ẹ yị dọ. Ẹnịnị ẹ yị sị ayị tụra Ẹnẹyịmavara, di e vee hyakụ si ọgụvọ hụụnị ụvọ anị.

Imatiwu 23:29

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Waa dà ikuta ọnịsẹ nịnị, dị ụ dà achẹrẹ hi ini ikuta ọnịzẹyịza nịnị,

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.