Ijeremaya 2:25 - IWE ỌNỊNỊ

²⁵ Ọ kà, ẹwụ nịnị Anisirẹrị, sị ẹ vẹ dị wẹ yị dọ ka waa va hụụnị ori ọnị wa dụụ zị dị ụ ta mẹ sẹkẹ-sẹkẹ nịnị aanị? Ama ẹwụ nịnị ka, asị mị du irenu amị ha, agụvị ka vị ụ nyayịnẹ sì ịrẹyị ori ẹnẹnị nịnị nị. Ori ẹnẹnị vị ịsị ọzọga yị ụ nịnị. Ama ụ ka wẹ yị kụkụ zụ hụrẹ wa ụvọ nịnị.

Ijeremaya 2:25 ပူးပေါင်းရင်းမြစ်များ

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

2 Ịtọpa 28:23

Ộ mẹ̀ ịsọvọ yị ori irenyi-irenyi Anịdamasịkọsị ene hu ọ ẹtẹ. Ọ kà agụvị ka ori ẹnịnị ẹ gụ ohinọyị Aramị ụvọ, ọnị raa mẹ̀ ịsọvọ yi wa agụvị ẹnị ẹ rẹ gụ ọnị ụvọ. Ama dị ahịka ẹnị e vee vụ ọnịrị avaba Anisirẹrị nịnị ẹtẹ nị.

Ayịsaya 2:6

Ohomorihi, wa raà hụrẹ aza awụ ụvọ, aza awụ ana vị irima ezi Ijekọvụ. Avaba ẹnịnị vị ana hụrẹ eyi ọnị ọyị zịị hụrẹẹ vẹ. Irima ezi Ijekọvụ vị ana kụkụ aa ha ẹva anka Anihwirisiti nịnị avọọ, dị ẹnịrị aza ẹnẹ ẹ yị yẹ Ohomorihi aa kụ́ ụvọọ gẹ ẹngụụ zị.

Ayịsaya 57:10

Ộ ta chi wu nịnị ẹngụ u mee sì orii zị nịnị, ama wẹ yị kà a ka ọ sị wụ nịnị tụ́. Wê ro ka ori ẹhịmị awụ nịnị ẹnẹnị aa sị ụkataa wụ nịnị, agụvị avọọ ẹ́ẹ́ yị ngụ wụ nịnị ẹngụ nị.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 18:12

Ama ẹnịnị vee tụ́ ohi ka, ịzị ọ na vị, sị ẹ vẹ dị ẹnị aa vaa và hụụnị ayọkatẹngụ ọnịrị ebira odivi ẹnịnị?

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 22:20

Ijeremaya ka, ẹwụ nịnị Anijerusarẹmị, nọ Ịrẹbanọnị nịnị dị we nee nowu, nọ ẹtẹ Ịbasanị dị waa jị òrèrè nịnị. Yà ịnị ataba Imowabi dị wee nowu booro-booro nịnị, agụvị ka asị avaba aza ẹnẹ ẹwụrị sì ịrẹyị ẹngụ nịnị hu ẹtẹ.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Arụwẹ 4:4

Ẹẹ navọ ezinụvọ ẹnịnị ka ụngwẹ ọnịrị onyi ọ̀ọ wụ̀ wa ha; ezi ẹnịnị aa pa ịsọyịrị zị ama ẹ yị nyị ọza ana sị yị wa.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ihoseya 2:3

Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Iruuku 15:22

Ama dị ada anị kà a yị ezi ahụ anị ka ẹ̀ wụsẹ na sị awuru ene zoza hu keekere vẹ, di è si chire e, dị ẹ̀ sị ochirigege tụ́ ọọ ụvọ, dị ẹ̀ rẹ kụ́ adava hi ọọ ahụ nị!

Iruuku 16:24

Ọnyẹkẹhị ọnọọ ô nowu tụ́ ẹba, dị ọ ka: ‘Abụrahamị ada ayị, aarịhịnị vayị amị, dị ụ wa tụ́ Ịrasarụsị ka ọ̀ jị ịrẹsụ igege anị ngụ enyi, dị ọ̀ va tọ ọ tụ́ mị ịrarẹ, di ò hunẹnẹ; ka ịra ọnọnị aa sị ụyaa rị mị ẹtẹẹtẹrẹ.’

Aniroomi 8:24

Yâ nyị ọyịtureyi, agụvị avọọ a sị dọ yị há nị. Ịsị yaa tụra eyi anị, yèee re e, ẹ yị kụkụ nyị ka vị yaa tụra eyi nị. Ọza wéé kukuū zí eyi ịsa ene ee re?

Iwe Ọhụhị Imosiisi ana aa hị́ Ọyịvatụrọda 28:48

Agụvị avọọ, ụ vanaa hẹkẹ ọnịvị awụ nịnị ọnị Ẹnẹyịmavara vaa và eyirazịị ka wụ nịnị. Avaba ịsa vị ana vaa zwọ wụ nịnị; ụngwẹ ọnịrị onyi vaa kụ wụ nịnị, di u waa zị ahwaahụ nịnị. Ẹnẹyịmavara vaa sị ụyaa rị wụ divi-divi pooro di ọ̀ vu wu nịnị ẹtẹ.

Iwe Ọhụhị Imosiisi ana aa hị́ Ọyịvatụrọda 32:16

Ori ọnị ẹ yaa hẹkẹ vị ana mẹ Ẹnẹyịmavara kụ ụhị, di ebira odivi ẹnịnị ee du Ohomorihi ayị nị.