Ijeremaya 2:23 - IWE ỌNỊNỊ

²³ Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,

Ijeremaya 2:23 ပူးပေါင်းရင်းမြစ်များ

Ẹsịta 8:16

Dị ụmẹ ọnọọ vị ụmẹ ọnị Aniju nịnị aa sị jẹ ịrajẹ, dị eyee hine ayị nị. Dị ẹ yaa jẹ ka a raà sị ẹnị tụra aba nị.

Ahẹ Ụgama 36:2

Ee vene ẹngụ anị, ee ro ka iruvo ka iruvo anị ọ yị vaa tụ́ ẹhẹ ịnị ebira odivi anị ana vaa mẹ ka à nyị ịhyẹrẹ anị.

Ahẹ Ụgama 50:21

Ohomorihi ka ụ mẹ̀ vavọọ aa mẹ nịnị, oni o yi tụ́ ohi di oni ee re wu nịnị kẹnẹ nị Dị ẹwụ nịnị kuku ree ro o ka ọnyọọnya ẹwụrị ọnị vị nịnị nị Ohomorihi ka ọnị vaa kà a wụ nịnị eyi gẹrị eyi ka ịsị waa mẹ nịnị, o yi zoza.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ụhịrẹyị 30:20

Aanị ẹhẹ ọsẹrẹka mẹ ya nị. Ọ̀ọ na sị ẹnya hụ, di o tenyi ẹngụ anị chịmị-chịmị va jẹẹ. E yi re ka akụvị ọnị aa mẹ̀ nị.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 16:10

Ọ kà Ijeremaya ọ̀ọ maanị kà avaba ịrẹyị ọnọnị yị wa, ẹnịnị vaa họ̀ use ka sị ẹ vẹ dị ọnị ka ọnị maanị aa sị ụyaa ọngwọọngụụ rị ẹnị aanị? Ẹnịnị vaa họ̀ ka sị ẹ vị ebira odivi ẹnẹ ẹnị rị ịvị anị kẹ? Sị ẹ vị ebira odivi ẹnẹ ẹnị mẹ hi Ẹnẹyịmavara Ohomorihi ẹnịnị?

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 31:22

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.