Ijeremaya 2:20 - IWE ỌNỊNỊ

²⁰ Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:20 ပူးပေါင်းရင်းမြစ်များ

1 Ohinọyị 12:32

Ịnị ana tụ́ ọ ẹkụhị ẹwụrẹhị ịnị ụhwẹ ịhịnta ịrayị, di Ijerobowami rị eche ahẹkẹ nị. Ịnị ụhwẹ ọnọọ ọ sị rị eche ọnọọ nị anka ịnị ụhwẹ ana aā sịị rị eche Ijuda. Dị ọnị rẹ mẹ̀ ịsọvọ ana aā rị ịra aha ịsọvọ nị. Avọọ ọ mẹ̀ rẹ mẹ Ịbẹtẹrị nị, Ọ mẹ̀ ịsọvọ yi imaaru ẹnẹẹ ọnị ọ mẹ. Ọ kụ́ ohirẹsụ irehi Ohomorihi hi Ịbẹtẹrị ịzị ọ dà aha ọnẹba tụ́.

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

Ahẹ Ụgama 107:14

Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.

Ahẹ Ụgama 2:3

Ẹ ka ẹnị ẹ yị kụkụ dọ ka Ohomorihi ọ̀ vị ohirẹsụ ẹnịnị. Ẹ ka asị ọ rẹ kụkụ mẹ ọda tụra ẹnị ịrẹsụ.

Ahẹ Ụgama 78:58

Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.

Ọyịkụra 19:8

Dị aza ẹnẹẹ sị irenu tọ̀ ọnya dị ẹ ka avaba ịsa ẹnị Ẹnẹyịmavara kà ẹnị vaa mẹ nị. Di Imosiisi rẹ vavọọ sị ohi ẹnịnị na kà yị Ẹnẹyịmavara nị.

Ọyịkụra 24:3

Imosiisi ộ na dị ọ na kà a yị aza ẹnẹẹ avaba ịrẹyị ẹnị Ẹnẹyịmavara kà ọnịrị ọda ọnị ọ mẹ nị. Dị Anisirẹrị nịnị sị irenu tọ̀ ọnya dị ẹ ka avaba ịsa ẹnị Ẹnẹyịmavara ọ̀ọ ka ẹnị vaa mẹ nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ayịsaya 1:21

Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza.

Ayịsaya 10:27

Ịjị ụmẹ ọnọọ òo si tù, ọ ka ọnị vaa dọ wụ nịnị tịtẹ hụụnị ụvọ Anasiriya, dị ọnị tụ̀ ọkẹẹkẹrẹ ẹnịnịị hụrẹ wụ ọrọkọ. Ọ kà avaba ẹnya ene e kune tụra wụ nịnị vị ọnị ọnị aa dọ vaa ha.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 9:4

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 30:8

Ẹnẹyịmavara Ochẹtẹẹngụ ka, ịhị ẹkụhị ọnọọ oo tu, ọnị vee che ọkẹẹkẹrẹ ana a sị tụ aza anị ọbẹ dị ọnị ngwara ẹba ana a sị sụ́ wa. Ẹnịnị ẹ́ yị kụkụ vaa vị ọrịhị yị anẹkụra ọsa.

Ijeremaya 5:5

Avọọ ọnị ee ne tu ọdọvịdị ẹnịnị dị ọnị ò pe wa ka ịrẹyị. Ịzẹyịza ẹnịnị ẹẹ yẹ ịsị Ẹnẹyịmavara Ohomorihi ee si ka ẹnịnị ọ̀ mẹ. Ama avaba ẹnịnị ẹ ka ẹnị ẹ yị dọ ka Ẹnẹyịmavara ọ nyị ọda ẹnịnị nị. Ee yi ka ẹnị ẹ yị wụ́ chire e.

Ezikẹẹrị 16:28

Ka aza ana vọ ẹnẹ ẹwụrị aa sẹ̀ ịrẹka ẹ́ yị hụ wụ, dị u ree zwèe ka Anasiriya nịnị na nị. Ẹwụrị wa dudu aa sẹ̀ ịrẹka ama ẹ́ yị hụ wụ.

Ezikẹẹrị 16:31

Utoze-utoze vị ọnị ụ da ịzị aa mẹ orii hi, di waa sẹ̀ ịrẹkaa ngụ ịzọọ zị nị. Ama wẹ́ yị sẹ̀ ịrẹka ka wa sị nyị ẹkẹhị anka ọsẹrẹka ana vọ.

Ezikẹẹrị 16:41

Ẹnịnị vaa rị irehi awụ nịnị ịra, dị ẹ navọ ka anyẹnẹẹ ọrụrụ-ọrụrụ è ré ụ maa rị ụya nịnị. Ẹnẹyịmavara kà ọnị vaa mẹ ka wa hụụnị ịrẹka ọ̀yị sẹ nịnị, dị ọnị mẹ ka a sị ụ rẹ kụkụ mẹ aza ẹnẹ ẹwụrị aa sẹ̀ ịrẹka nịnị ẹyịza.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ezikẹẹrị 23:5

Ọ kà, dị ọnị daka yị nyị Ohora aanị, vị́ ọ nyayịnẹ à yịị sẹ̀ ịrẹka nị. Onyeehi anị nịnị ana vị Anasiriya vị ọnị ọ́ nyayịnẹ aa yịị dụụ zị.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ihoseya 3:3

Dị Ihoseya kà booro aanị Igoma ọ sị vị ose anị, asị ọ kụkụ sẹ̀ ịrẹka. Asị ọ na ịda ọnọrụ ọsa. Ịnị avaba ụmẹ ọnị ọ sị ee zi ọnị ọnịrị ọ ẹ yị vaa sụ̀.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ihoseya 9:1

Ẹwụ nịnị Anisirẹrị, asị ẹ rẹẹ jẹ ịrajẹ anka anẹkụra ana vọ agụvị ka ẹnịnị ẹ yị mẹ ịzẹyịza ka Ohomorihi ẹnịnị na. Ẹnịnị ẹ raà ná ẹngụ ẹnịnị yị ori nịnị anka ebira ọsẹrẹka avọọ, dị ẹ ya mẹ̀ ịsọvọ yị ori ịnị ụmẹ ịsa ọyịna.

Ireevi 26:13

Ọ kà ọnị, Ẹnẹyịmavara Ohomorihi ẹnịnị ọ kụ́ wa hụrị ẹtẹ Ijipiti ka à sị ẹ kụkụ vị ọrịhị ẹnịnị nị. Ọnị ộ dọ wa hụrị aza ana sị ụkata za wa hi ẹtẹ, dị ọnị mẹ kụ̀ra ịrẹsụ tụ ẹba dị ẹẹ zị ụsẹ nị.

Ịnahụmị 1:13

Ọnị vaa hụrẹ ọkẹẹkẹrẹ, dị ọnị jị ịchẹkẹchẹkẹ Ánasiriya hụrẹ wa ẹngụ dị ẹ nyị ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.

Iwe Ọhụhị Imosiisi ana aa hị́ Ọyịvatụrọda 15:15

Ẹnịnị tamayị ka ọrịhị ẹnị rẹẹ̀ vịdị vị ịnị ẹtẹ Ijipiti, dị Ẹnẹyịmavara va dọ wa ha nị. Agụvị avọọ ọnị mẹ̀ ọda yị wa ajịnị nị.

Iwe Ọhụhị Imosiisi ana aa hị́ Ọyịvatụrọda 26:17

Ajịnị wa raà dọ beri Ẹnẹyịmavara ana vị Ohomorihi awụ nịnị; dị ụ wo oto ka ụ vaa wụ́ chire, dị ụ sị ụvọ za avaba ọda anị, dị ụ mẹ avaba ịsa ọnị ọ mẹ̀ ọda anị yị wụ nịnị.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 5:27

Dị ẹ ka, Imosiisi ọ na wụ̀ avaba ịrẹyị ọnị Ẹnẹyịmavara ana vị Ohomorihi ẹnịnị ọ̀ọ ka dị ọ̀ ka enube yị ẹnị. Ẹnị vaa wụ dị ẹnị saasa a.

Ijosuwa 1:16

Dị aza ẹnẹẹ tụ́ Ijosuwa ohi dị ẹ ka avaba ịsị Ijosuwa ọ̀ọ kị kà yị ẹnị kẹnẹ, ẹnị vaa mẹ̀ ẹ, aha tụra aha ọnị ọ̀ọ tụ̀ ẹnị nọ, ẹnị aa na.

Ijosuwa 24:24

Dị aza kà a yị Ijosuwa ka ẹnị vaa hẹkẹ Ẹnẹyịmavara Ohomorihi ẹnịnị. Ẹnị vaa saasa ọda anị.

Ijosuwa 24:26

Ịzẹyịza, dị Ijosuwa chẹrẹ ọda ẹnẹnị tụ́ ịnị iwe ọda Ohomorihi nị. Dị ọ sị ịrẹta ọbanyị ọnya aanị jẹẹ iruvo ọchị oki ịnị irehi Ẹnẹyịmavara.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.

Ọdọvịdị 2:11

Di e nyima aa mẹ̀ ebira odivi hi Ẹnẹyịmavara, dị ẹ yaa hẹkẹ ori ana a hị́ Ịbaarị nị.

Ọdọvịdị 2:13

Ẹnịnị vị ana kụkụ a hẹkẹ ori ana a hị́ Ịbaarị ọnịrị Asịtọrẹtị, di e yi Ẹnẹyịmavara tịtẹ nị.

1 Ịsamụwẹrị 12:10

Di ohiku awụ nịnị nowu na za Ẹnẹyịmavara ka ọ gụ ẹnị ụvọ nị. Ẹ kà ẹnị raà mẹ̀ ebira odivi. Ẹnị ẹ sị va hụ ịrẹma Ẹnẹyịmavara na hẹkẹ ori anaā hị́ Ịbaarị ọnịrị Asịtọrẹtị. Ẹ kà Ohomorihi ọ̀ dọ ẹnị ha hụrẹ ụvọ ọnịvị ẹnịnị dị ẹnị ẹ vaa hẹkẹ ẹ nị.