Ijeremaya 2:17 - IWE ỌNỊNỊ

¹⁷ Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:17 ပူးပေါင်းရင်းမြစ်များ

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ijoovu 34:27

Ẹnịnị é yi ka ẹnị ẹ yị saasa a, dị ẹ si eyi wụ̀ avaba ọda anị nị.

Ijoovu 4:8

Ọ kà ọnị ọ yẹ hụrẹ ụmọrụmọ ka odivi ọnị ọza chire ọọ ha nị.

Ahẹ Ụgama 107:7

Di Ohomorihi va zụ̀ wa oze ana vọrọ na ngụ ịnị ẹkụra ana vọrọ ka ẹ̀ ra nị.

Ahẹ Ụgama 136:16

Waa kụ́ ọ avọ ka ọnị ọ kụ̀ aza anị zị oze ịnị ụnọmị na para hu nị. Vi óō sì ịrẹyị ọza pooro zịna-zịna nị.

Ahẹ Ụgama 77:20

Wâ tụ́ Imosiisi ọnịrị Eerọnị ka ẹ̀ẹ tẹsị aza awụ anka aza ene ee sere ịsụpa mẹ̀ẹ tẹsị ịsụpa ẹnịnị avọọ.

Ụhịrẹyị 15:10

Ẹnẹyịmavara vaa pa ịva yị ọza anaa mẹ̀ ebira odivi, ọza ọnị ẹ mā dọ ịrẹyị ọza wụ vị enee vú ẹtẹ.

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 4:18

Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 5:25

Ọ kà ebira odivi awụ nịnị ọ raa mẹ ka asị ụ kuku re ịsa ọyịza ẹnẹnị nịnị.

Ezikẹẹrị 39:24

Ọnị ộ mẹ̀ wa ịsị e rere wa agụvị ebira ịdọtị ọnị ẹ́ mẹ ọnịrị agụvị ayịchama ẹnịnị. Ọnị ọ raa varẹma ka wa.

Ihoseya 13:9

Ẹnẹyịmavara kà ọnị vee vu Anisirẹrị nịnị ẹtẹ. Ẹnẹ zụ gụ wa ụvọ?

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Iwe Ọhụhị Imosiisi ana aa hị́ Ọyịvatụrọda 32:10

Anisirẹrị nịnị vị Ẹnẹyịmavara hee ịnị ụnọmị ịzị aza ẹ yị ra hi. Ẹnẹyịmavara o sere wu nịnị, dị ọ tẹsị awụ nịnị anka ọza mē sị eyi pe igoreyi avọọ.

Iwe Ọhụhị Imosiisi ana aa hị́ Ọyịvatụrọda 32:19

Ịjị Ohomorihi vavọọ re e, dị ayị kụ, di o yi wu ana vị ezi anị nị.