Ijeremaya 18:23 - IWE ỌNỊNỊ

²³ Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 18:23 ပူးပေါင်းရင်းမြစ်များ

Ahẹ Ụgama 119:126

Ẹnẹyịmavara, wéē re aza màa jịnẹ ọda ọnị ụ mẹ. O si tù ka à nyị ịsị ụ mẹ ọgọnị.

Ahẹ Ụgama 35:4

Navọ wa tẹ aza ene ee sì ka ẹnị ẹ̀ wụ̀ mị, dị ụhị ọ̀ nyị wa Aza ana aa gẹ eyi amị ka ẹnị è vú mị ẹtẹ aanị, navọ ahịka ụhị ọ va nyị wa dị ẹ varẹma nị.

Ahẹ Ụgama 56:8

Wê re m maa rị ụya dị maa ka ẹgọ eyi mâ yẹ ka wâ chẹrẹ ẹ tịtẹ.

Ahẹ Ụgama 59:5

Ẹnẹyịmavara, ẹwụ Ohomorihi ọgọdọgọdọ ọnị ụvọ ọza è yi mè tù ẹwa vị Ohomorihi Anisirẹrị nị Navọ wa kwẹẹtẹ dị wa sị ụya rị avaba anẹkụra edivi ene ee sì iruvo ọza.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ayịsaya 2:9

Avaba aza vị ọnị Ohomorihi vaa kà a chị, dị ọ maanị tẹ wa. Ohomorihi, asị ụ vagu wa.

Ijeremaya 11:23

Ọ kà ọnị ọ raa jị ụmẹ ọnị ọnị ve sii vu anị Anatọtị ẹtẹ. Ịjị ụmẹ ọnọọ oo tu, ọza ikonyara ẹ yị yaa vọ ẹtẹ ịnị ẹnịnị.

Ijeremaya 15:15

Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 26:11

Ẹ sị yaatụ kẹnẹ, dị ẹnị ohirẹsụ irehi Ohomorihi ẹnịrị ọnịsẹ nịnị kà a yị ọdọvịdị ẹnẹnị ẹnịrị avaba aza ka: Aa nyị ka à mẹ̀ ọkarẹyị isu yị ọnị agụvị ịrẹyị ọnị ọ sị irenu anị kà hị́ Ijerusarẹmị nị. Ẹ ka ọzọza ộ wụ ọnị mẹ kà a.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 37:15

Ijeremaya ka ịjị ọdọvịdị ẹnẹnị re ọnị kẹnẹ, di ayị ẹnịnị aa da ọva hụtụ-hụtụ nị. Dị ẹnịnị ka è tụ́ ọnị, dị é gu oze hi ọnị tụ ịnị irehi ọnọrụ ana aā hi Ijonatani nị. Ijonatani ọnọnị ọọ chẹrẹ ịsa yị ikootu ẹnịnị nị. Dị a hi ka irehi anị a kụkụ sị mẹ ẹngwa nị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 6:21

Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Arụwẹ 3:60

Ô yẹ ka ẹnịnị ệ nyị ịhyẹrẹ amị, di o re avaba eyi ẹnẹ hụvị anị aa gẹ ka a mẹ̀ mị odivi.

Arụwẹ 3:61

Ẹnẹyịmavara ộ wụ́ ụhụ ọnị ẹ yaa kụ mị, dị ọ yẹ avaba eyọgẹ odivi ọnị ẹ hụ vị amị aa gẹ nị.

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.