Ijeremaya 18:22 - IWE ỌNỊNỊ

²² Ọnị ka asị Ẹnẹyịmavara kà wa ọnọ, dị ọ̀ tụ enezigi nịnị va kụ wa ẹnya irehi. Ọ̀ navọ ọ̀ mẹ ayị hụrẹ wa ịnẹ, dị ẹ̀ jị òrèrè. Ẹnịnị ẹ sị ụsị chị̀ ka ọnị ò ve horo ngụ ọ. Ẹ́ sị ịrẹpa và ee zi ọnị.

Ijeremaya 18:22 ပူးပေါင်းရင်းမြစ်များ

Ahẹ Ụgama 119:85

Aza ana aa me eyi ẹ sị ụsị chị ẹnị ẹ sị và ịrẹpa zi mi. Ệ yẹ ka wâ mẹ ọda ka asị ọza rẹ vavọọ mẹ.

Ahẹ Ụgama 140:5

Aza ana aa mẹ eyii zi ẹ sị ịrẹpa và ee zi mị. Ẹ raà và ịrẹpa hi oze zi mi ka ẹnị ẹ̀ sị za mị.

Ahẹ Ụgama 140:6

Ẹnẹyịmavara, mị ka ẹwa vị Ohomorihi amị nị. Navọ wa vayị amị dị wa ba mị owu.

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Ahẹ Ụgama 38:12

Aza ene ee sì ka ẹnị ẹ̀ mẹ mị ịsa odivi dị ẹnị ẹ̀ wụ̀ mị vi ene èe bè mi Ẹnịnị vị ana aa kà ịrẹyị odivi anị pooro kẹnẹ, di e yee cheeche.

Ayịsaya 10:30

Weē nowu nịnị ẹwụ nịnị Igarimi. Ẹwụ nịnị Anirayisa ẹ sị ụtọ pe ẹtẹ, dị ẹwụ nịnị Ananatotu ọ̀ ba wa owu.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 20:16

Ọza ọnọọ ọ̀ va sị mẹẹ anka ẹkụra ọnị Ẹnẹyịmavara ẹ yị vayị anị dị o vu ọ ẹtẹ avọọ. Ọza ọnọọ vana vaa jị òrèrè ẹnẹnẹ-ẹnẹnẹ pooro. Ọọdụ vị ọnị vaa wụ̀ ka aza ee na owu ịrẹkụ.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 5:26

Aza edivi hi ịnị ẹngụ awụ nịnị ana vaka èe zi anka ọza enee bè inomi avọọ, ama ẹ sị ịrẹpa va hi ẹtẹ èe bè aza.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Ịzẹhwanaya 1:16

Ịhị ọnọọ ọpanyị ịrẹkụ kẹnẹ ọnịrị owu ịrẹkụ ọkụrẹkụ nịnị ana nọ ịrẹkụ ẹkụra ana aa jị ọvọ kara, dị a da irehi ọgọdọ-ọgọdọ hi, aza vaa wụ́ ịrẹyị nị.

Imatiwu 22:15

Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị.