Ijeremaya 18:21 - IWE ỌNỊNỊ

²¹ Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 18:21 ပူးပေါင်းရင်းမြစ်များ

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Ahẹ Ụgama 63:10

Ụhwọ a vaa sị wụ̀ wa éyi ịrẹkụ, dị ahịka uye odivi ẹ rị oku ẹnịnị nị.

Ahẹ Ụgama 63:11

Ama Ohomorihi vị ana vaa mẹ ka ohinọyị ọ̀ọ jẹ aza anaā sịị ịrẹha Ohomorihi hị́ eku ka ẹnị vaa mẹ ịrẹyị dị ẹ rẹ mẹ̀ ẹ, vị ana vaa kụ́ Ohomorihi avọ, onireche nịnị vị oni Ohomorihi vaa za irenu kú oku.

Ọyịkụra 22:24

Ayị vaa kụ́ mị dị mị ka à wụ nịnị ịnị ịrẹkụ. Ịjọnọọ di ose ewu nini vara osoku, di ezi ewu nịnị rẹ vara ozi oku nị.

Ayịsaya 13:18

Ezwọọmụha vi eni e vee che ọpa. Ẹnịnị ẹ yị vaa vayị ozweyi vụrụ-vụrụ.

Ayịsaya 9:16

Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ijeremaya 12:3

Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 15:7

Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị.

Ijeremaya 15:8

Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị.

Ijeremaya 50:30

Avọọ, ọnị Ẹnẹyịmavara kà, Ezwọọmụha ẹnịnị vị ana vaa wụ̀ vàa hi ẹtẹ ịnị orere ẹnịnị, dị ee vu avaba isoja ẹnịnị ẹtẹ ịhị ọnọọ.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Arụwẹ 5:3

Ya sị vara ezi oku ẹnẹ ẹ yị nyị ada; ọnyị ayị nịnị ẹ kụkụ sị vara osoku va hi ẹtẹ booro aanị.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.

2 Itimoti 4:14

Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.