Ijeremaya 18:19 - IWE ỌNỊNỊ

¹⁹ Ijeremaya ka, agụvị avọọ dị ọnị mẹ̀ aduwa nị ka, Ẹnẹyịmavara ọ̀ navọ ọ̀ wụ́ ịrẹyị anị, dị ọ̀ wụ́ ịrẹyị anị ọnị ọnịvị anị nịnị aa kà.

Ijeremaya 18:19 ပူးပေါင်းရင်းမြစ်များ

2 Ohinọyị 19:16

Ẹnẹyịmavara, re ịsị aa mẹẹ tu yị booro aanị, wụ̀ avaba ụhụ ọnị Isenakeribi aa kụ̀ ẹwụ Ohomorihi ana yara aanị.

Inehemaya 6:9

Ẹnịnị vị enee chire yi angwa kẹnẹ. Ẹnịnị ê ro ka ẹnị ẹ̀ẹ ha ayị hí yị ịnẹ, mị vaa va ụkọrọ hi ẹtẹ. Ama dị mị mẹ̀ aduwa ka Ohomorihi ọ̀ sị ụkata yị yị mẹ̀ ụkọrọ ọnọọ nị.

Ahẹ Ụgama 109:28

Òo zee e eyi ẹ̀ẹ tụ́ ozirenu, ẹwụ vị ana vaa mẹ ka ò zee mị. Navọ ahịka vị aza ana aa dụ mị va hyẹdụ nị, dị emi ozi ahụ awụ ọ̀ va jẹ ịrajẹ.

Ahẹ Ụgama 109:4

Mê sì ịrẹyị ẹnịnị dị ẹ yaa kụ́ ayị amị. Maa mẹ̀ aduwaa yị wa, ama dị ẹ yaa kịị kụ́ mị ịrẹkaa zị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Arụwẹ 3:59

Ộ yẹ ebira odivi ọnị ọnịvị amị nịnị mẹ̀ hi mi, dị ọ jị ịhị mị nị.

Imika 7:8

Ọnịvị ayị asị u rè nyinyi ka vị ẹyị sị hyẹdụ nị Yàa hyẹdụ ẹ yaa yẹ ka ị vaa kwẹẹtẹ. Ịnị ịrahụ ị ya booro nị. Ama Ẹnẹyịmavara vaa sị ẹtohweyi yị yị.