Ijeremaya 18:18 - IWE ỌNỊNỊ

¹⁸ Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 18:18 ပူးပေါင်းရင်းမြစ်များ

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

2 Ịtọpa 24:21

Dị ẹnịnị geyi tu ọ, dị ohinọyị mẹ̀ ọda ka a sị ịrẹta wụ́ Ịzakaraya ịnị ohweje irehi Ohomorihi nị.

Ijoovu 5:13

Ọnị ọọ̄ za aza ana da ọbọ ene ro ka eyi ẹnịnị e hweyi, dị ọ kụ wa uruvo hi ẹhẹ.

Ahẹ Ụgama 21:11

Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi ama ẹnịnị ẹ yị va zụụ mẹ̀ ẹ.

Ahẹ Ụgama 52:2

Waa gẹ eyi ọza ka we re oze wụ ọ Ịrẹyị irenu awụ ô divi, ọ zụ wụ̀ ọza.

Ahẹ Ụgama 57:4

Aza ana kara mị vị ana yà anka idu avọọ Ẹnịnị vi uye odivi ana aā na ọzaa rị Ẹ zụ sị ịrẹyị irenu ẹnịnị wụ̀ ọza obobooro anka ụhwọ Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.

Ahẹ Ụgama 64:3

Aza ẹnẹẹ ệ nyị ịrarẹ ẹnẹmẹhị ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ayịsaya 32:7

Aza edivi vị ana aā mẹ̀ ebira odivi. Òo zee eyi asị a nyị ịsị onosiye mẹ, di e gẹ eyi, di e cheeche kú ọ ka ẹnị ẹ̀ wụ ọ.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 18:19

Ijeremaya ka, agụvị avọọ dị ọnị mẹ̀ aduwa nị ka, Ẹnẹyịmavara ọ̀ navọ ọ̀ wụ́ ịrẹyị anị, dị ọ̀ wụ́ ịrẹyị anị ọnị ọnịvị anị nịnị aa kà.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 26:11

Ẹ sị yaatụ kẹnẹ, dị ẹnị ohirẹsụ irehi Ohomorihi ẹnịrị ọnịsẹ nịnị kà a yị ọdọvịdị ẹnẹnị ẹnịrị avaba aza ka: Aa nyị ka à mẹ̀ ọkarẹyị isu yị ọnị agụvị ịrẹyị ọnị ọ sị irenu anị kà hị́ Ijerusarẹmị nị. Ẹ ka ọzọza ộ wụ ọnị mẹ kà a.

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ijeremaya 44:16

Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ijeremaya 8:8

Ọ kà, ụ mẹ mẹ zụ kà a ka waa yẹ ịrẹyị nịnị, ọnịrị ka waa yẹ ọda anị nịnị? Re, ọzwọzọda nịnị ẹ raa sị irikichi vara ọda anị.

Arụwẹ 3:62

Pooro kẹnẹ ọnịvị amị nịnị aa kà ịrẹyị amị, dị ẹ rẹ yaa gẹ eyi amị nị.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

Ireevi 10:11

Ọ kà, Eerọnị ọ̀ kọ avaba ọda ọnị sị yị ọ zị oze ịnị ụvọ Imosiisi yị avaba Anisirẹrị nịnị.

Imika 3:6

Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi.

Imika 3:7

Ụhị ọ vaa nyị ẹwụ nịnị ene eē re ẹtẹ nị. Mị ka ụhị vaa nyị wụ nịnị agụvị ka Ohomorihi ọ yị kụkụ vaa sị ịrẹyịị zụ̀ wụ nịnị.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Iruuku 11:45

Dị ọzwọzọda ọnya tụ́ ohi, dị ọ ka, “nda, wàa maanị aa kà, ụ waa kụ̀ yị ụhụ bẹẹ avọọ nọ!”

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”