Ijeremaya 18:17 - IWE ỌNỊNỊ

¹⁷ Ẹnẹyịmavara kà ọnị vaa gara aza anị eyi ọnịvị ẹnịnị, anka ahị anaa tụ́ hụrị eyi ọnị ọyị zịị hụrẹẹ vẹ mẹẹ kụ́ edudu avọọ. Ọ kà ịhị ẹngụkata odivi oo tu wa, ọnị vana varẹma kà wa.

Ijeremaya 18:17 ပူးပေါင်းရင်းမြစ်များ

Ijoovu 27:21

Ahị hụrẹ eyi ọnị ọyịị̄ zịị vẹ va sị wa ne hu. O vee hì waa hụrẹ aha ẹnịnị.

Ahẹ Ụgama 48:7

Ohomorihi, aza ẹnẹẹ vị ọnị ụ gara và ha anka ahị ọbanyị ana aā tụ́ụ hụrẹ oze ọnị ọyịị̄ zịị mẹ̀ẹ ẹpa Anitasisi ha avọọ.

Ụhịrẹyị 24:16

Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ijeremaya 13:24

Ẹnẹyịmavara kà, ọnị vaa gara ụ nịnị hi anka azịzẹ ana ahị kụ na và hi ịnị ọpaapara avọọ.

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ezikẹẹrị 27:26

Ịjị aza anaa sị ẹpa awụ nịnịị zị raà sị wụ nịnị na ngụ ịnị akakana oku, dị ahị tụ́ hụrị eyi ọnị ọyị zịị hụrẹẹ vẹ, dị ọ va gara wụ nịnị và ha ịzọọ nị.

Ezikẹẹrị 7:22

Ẹnẹyịmavara kà ọnị vaa kara ụvọọ hụrẹ oze dị aza edivi ẹnẹnị ẹ ngụ ịnị Irehi anị dị e du ọ ha. Ọnị é yị vee tụ́ ohi ịjị anako nịnị ẹ̀ẹ ngụ ọ dị ẹ́ yaa mẹ kẹnẹ-kẹnẹ nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.