Ijeremaya 18:15 - IWE ỌNỊNỊ

¹⁵ Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 18:15 ပူးပေါင်းရင်းမြစ်များ

Inehemaya 9:17

Ẹnịnị ệ sị ịrẹyị Ohomorihi mẹ̀ iribatọ, di e hí ayị avaba ịvọpa oni Ohomorihi mẹ̀ yị wa nị. Ệ sị akamawụ nyị ọdọvịdị yị ẹngụ ẹnịnị ka ọ̀ kụ́ ẹnị varẹma na vị ọrịhị tụ ẹtẹ Ijipiti. Ama Ohomorihi ọ vị anayamva, dị Ọọ̄ ngwayị ọza nị. Ọnị ọọ̄ mẹ̀ ẹvaguu yị ọza dị ọ̀ yị ma hụra kụ ayị nị. Oō sì ịrẹyị ọza ẹnẹmẹhị. Agụvị avọọ, ẹ yị va ịrẹma ẹnịnị,

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Ayịsaya 41:29

Ẹ yị nyị ịsị avaba ori ẹnẹnị vị. Ẹ yị nyị ịsa ọnị ẹ zụ mẹ. Ẹnịnị ẹ yị nyị ụkata, ọkụmị ẹ vị nị.

Ayịsaya 57:14

Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.”

Ayịsaya 62:10

Ẹwụnị aza ene hi Ijerusarẹmị, jịnẹ tụ ẹhẹ hụụnị ẹkụra ọbanyị ọnọnị, dị ụ waa tụ́ oze yị aza ana aa vavẹ.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ayịsaya 9:16

Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi.

Ijeremaya 1:16

Ọ kà ọnị vaa mẹ̀ ọkarẹyị yị wa agụvị ebira odivi ẹnịnị ana mẹ ka ẹnịnị è yị ọnị tịtẹ. Ẹnịnị ẹ naa rị eturare ịra yị ori nịnị, dị ẹ yaa hẹkẹ ịsị ọnị ẹnị ụvọta sị ụvọ ẹnịnị mẹ nị.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 11:12

Ịjọnọọ Anijuda ẹnịrị Anijerusarẹmị vị anaa hị́ ori ẹnẹ ẹ yaa mẹ̀ ịsọvọ yị ka ẹ̀ gụ ẹnị ụvọ, ama ori ẹnẹẹ ẹ yị va zụụ dọ wa ha ịjị ẹngụkata oo tu wa.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 13:25

Ọ kà ịsị e vee tù u nịnị yị. Ịsị ọnị vaa mẹ ụ nịnị ọ vị ọnọọ nị, agụvị ka we ree hi ayị anị nịnị, dị ụ kụkụ sị ayị tụra ori ana ahịka apẹ kẹnẹ ẹ vị nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ijeremaya 18:14

Eguhi waa tá hụụ ịrẹsụ ataba Ịrẹbanọnị kẹ? Enyi ohunẹnẹ eneē sìi hụụ ịzọọ wa rẹ ẹ wụ?

Ijeremaya 19:5

Ụta-ịsọvọ vene hi yị Ịbaarị ịzị ẹ vaa yaa sị ezi ẹnịnị mẹ ịsọvọọ dị ẹ rị ọ ịra yọ. Ẹnẹyịmavara kà ọnị ẹ yị mẹ ọda yị wa ka ẹ̀ vavọọ mẹ. Ọnị e yi re rò ka ẹnịnị ẹ́ zụ vavọọ mẹ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 3:21

Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ijeremaya 44:25

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ẹwụrị ose ewu nịnị ọ sị eku hị́ ka, ụ vaa mẹ ịsọvọọ hị́ ori ọnị ụ ka ộ vị ohinọyị anyẹnẹẹ tụ ẹbẹẹba nịnị. Ịzẹyịza dị waa mẹ̀ ẹ nịnị nị. Oo zoza kẹ, ka tụ ọvịdị wa naa mẹ ịsị ọnị ụ hị́ eku ka ụ vaa mẹ̀ nịnị o.

Ijeremaya 51:18

Ẹnịnị ẹ́ yị wụra sị ụbanyị yị agụvị ka ịsa kẹnẹ-kẹnẹ ẹ́ vị nị. Ịjị ụmẹ oo tu ka Ẹnẹyịmavara ọ̀ sị ụya rị wa, o vee vu wa ẹtẹ.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 21:15

Ayị aza anị ẹ sị sụ enyi. Ẹ kụkụ aa vangga ọnị aa sị ụhwọ anaa za nyoonyo anka ịnyanya avọọ chire wa angwa. A sị ọ tenyi ka à sị wụ̀ aza.

Ezikẹẹrị 36:15

Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 2:6

Agụvị avọọ Ẹnẹyịmavara vaa sị igegenechi jị ọvọ gu ọ hi, dị asị o re oze zị.

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Imatiwu 15:6

ẹ yị nyị ka ọ̀ kụkụ tẹsị ada anị ọnịrị ọnyị anị. Aanị ụ mẹ̀ navọ ọda Ohomorihi tịtẹ, dị ụ sị ido oni ohiku awụ nịnị jị, dọ ọ ịrẹsụ nị.

Aniroomi 14:21

Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị.

Iwe Ọhụhị Imosiisi ana aa hị́ Ọyịvatụrọda 32:21

Ẹnẹyịmavara kà ẹnịnị ệ mẹ̀ ọnị kụ̀ ụhịị ori ẹnẹ ẹ yị nyị ịsị ọ vị, di e du ọnị ayị tụ ịnị ahẹkẹ ori osusu kẹnẹ-kẹnẹ ọnị ẹ yaa mẹ. Agụvị avọọ, ọnị vaa mẹ wa ka ẹ kụ̀ ụhị anẹkụra ẹnẹ ẹ yị nyị ịsị ẹ vị. Ọnị rẹẹ̀ vaa mẹ wa ka ẹ kụ̀ ayị hi anẹkụra nịnị ana aa mẹ ụra.