Ijeremaya 18:10 - IWE ỌNỊNỊ

¹⁰ dị Aza ẹnẹẹ ẹ̀ẹ sị ahụ jịnẹ ọda anị dị ẹ kụkụ aa mẹ̀ ebira odivi nị, ọnị vaa vàa hụụnị ịsị ọnị ka ọnị aa mẹ̀ ẹ yị wa.

Ijeremaya 18:10 ပူးပေါင်းရင်းမြစ်များ

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Ezikẹẹrị 33:12

Booro aanị, ọnị ozi-ọza ọ̀ kà a yị Anisirẹrị nịnị ka, ịjị ọza ọyịza òo nyima aa mẹ̀ ebira odivi, ọyịza ọnị vịdị mẹ, ẹ́ yị vaa zụụ dọ ọ ha. Ọza odivi ọ̀ọ hụụnị ebira odivi ọ̀ yị mẹ, ẹ́ yị kụkụ vaa rị ụya ebira odivi ọ̀ yị mẹ. Ọza ọyịza òo nyima aa mẹ̀ ebira odivi, ẹ́ yị vaa ha o.

Ezikẹẹrị 33:18

Ọza ọyịza ọ̀ọ hụụnị ebira ọyịza ọ̀yị mẹ, dị ọ kụkụ aa mẹ̀ ebira odivi nị, vị́ o vee su agụvị avọọ nị.

Ezikẹẹrị 45:20

Ịhị ẹ tụ ọ ẹkụhị ịhịmba ịnị ụhwẹ ọnọọ, dị ụ rẹ vavọọ mẹẹ agụvị ọza ene èe nyeeyi mẹ̀ ebira odivi. Wàa maanị mẹ ọsọnị, ụ vaa mẹ ka irehi Ohomorihi ọ vị ọnịnị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 14:23

Ẹnịnị ẹ yị vee re ẹtẹ ọnị ọnị hị́ eku anị yị ohiku ẹnịnị. Ẹ yị vaa nyị ọza ana sị eyi wụ ọnị ana vaa ngụ ịzọọ.

Ịrịka 14:34

Anka ẹkụhị ẹbẹẹva ọnị e si ne re ẹtẹ, avọọ ẹkụhị ọnyọọnya mẹ va jẹẹ yị ịrayị nị. Ịrayị ẹbẹẹva

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:35

Pooro dị Ịsamụwẹrị su, ọ yị vana si eyi gẹrị Ịsọọrụ. Ama Ịsamụwẹrị vị ana aa jị òrèrè Ịsọọrụ. Ộ zị Ẹnẹyịmavara ẹngụ ka ọnị ộ sị Ịsọọrụ mẹ ohinọyị Anisirẹrị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.