Ijeremaya 17:7 - IWE ỌNỊNỊ

⁷ Ọ kà, ama, ọnị vaa mẹ ka ò zé yị ọza anaa sị ayị tụra ọnị.

Ijeremaya 17:7 ပူးပေါင်းရင်းမြစ်များ

Ahẹ Ụgama 125:1

Aza ana sị ayị tụra Ẹnẹyịmavara vị ana vaa jẹẹ anka ataba avọọ. Vị ẹ vaa jẹẹ nganganga pooro nị, ẹ yị nyị ịsị ee zizi wa.

Ahẹ Ụgama 146:5

Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza. Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ahẹ Ụgama 20:8

Aza ẹnẹẹ ene ee woo zị aanị vị ana vaa và angga dị ẹ hyẹdụ ama ẹyị vị ana jẹ nganganga.

Ahẹ Ụgama 34:8

Ẹwụ ụvọta ọ̀ va zama a re di we re ka Ẹnẹyịmavara ngụ ayị ọza ẹtẹẹtẹrẹ Ọza ene èe zwe na tẹ̀ ịda anị vaa dàa jẹ.

Ahẹ Ụgama 40:4

Ọza ana aà sị ayị tụra Ẹnẹyịmavara vaa dàa jẹ ẹngụ aza ẹnẹẹ ẹ mẹ̄ pè aza ene ee wuu zi mẹ uzee Ẹ mā rẹ saasa onireche zị.

Ahẹ Ụgama 71:5

Ẹnẹyịmavara ana vị ohinọyị, ẹwụ mị sị ayị tụra nọ, mmẹ̀ hụrẹ vi ozweyi.

Ahẹ Ụgama 84:12

Ẹnẹyịmavara Ochẹtẹẹngụ, aza ana sị ayị tụra wụ ẹ̀ nyarị ịrẹsụ ọyịza.

Ụhịrẹyị 16:20

Wụ ịrẹyị ana a ka yị wụ agụvị o zee yị wụ. Sị ayị tụra Ẹnẹyịmavara dị ayị awụ ọ hine.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ijeremaya 39:18

Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Ịzẹhwanaya 3:12

Dị Ẹnẹyịmavara kà ọnị vaa navọ aza ana ka ẹngụ ẹnịnị chi di e zwe va rị ọnị ka ẹ̀ ra ịzọọ.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.