Ijeremaya 17:5 - IWE ỌNỊNỊ

⁵ Ẹnẹyịmavara kà, ẹ́ yị vee zozaa yị aza ana và ịrẹma anị dị ẹ kụkụ sị ayị tụra ọzarẹyịrẹsụ ọnịrị ụkata ọza.

Ijeremaya 17:5 ပူးပေါင်းရင်းမြစ်များ

2 Ịtọpa 16:12

Ịnị ịrayị ohurẹẹwụ tụra ịhịịna ọnị Asa vị ohinọyị, ụkụ za ahụ dị ọ jị ọ avụ nị. Ama ẹ yị hụụ agụvị avọọ ro ịnẹ ka Ẹnẹyịmavara na ka ọ mẹ ọgụvọ yị ọnị. Ube ovosi kẹnẹ aa ngụ zịịzị nị.

2 Ịtọpa 32:8

Ụkọrọ ọchẹngụ kẹnẹ ẹ nyị nị, ama Ẹnẹyịmavara ana vị Ohomorihi ẹnịnị vaa gụ ẹnị ụvọ dị ọọ kụ ịrẹkụ yị ẹnị. Ịrẹyị ohinọyị ọnọnị ộ hụ wa ayị vị.

Ahẹ Ụgama 18:21

Mẹ yị mẹ akamawụ hi Ẹnẹyịmavara Mẹ yị dọ ka me yi Ohomorihi amị tịtẹ agụvị ka ebira odivi yọ nị.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ayịsaya 2:22

Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.

Ayịsaya 20:5

Aza ana vịdị sị ayị tụra Anikusi, dị ẹ yaa sị Anijipiti nini wo oto vee hí angwa ịhị ọnọọ dị ụhị aa nyị wa.

Ayịsaya 36:6

Dị ọga isoja ọnọọ rẹ ka ohinọyị Asiriya ka à họ̀ wa ka a vi Anijipiti ẹ sị eyi kà a? Ọ kà Anijipiti vi okutẹ ẹpọmọ, ọza òo che ayị za a, di o che, dị ọ varẹma há kụ́ ọ ụvọ. Ọ kà avọọ Íhwarawo ana vị ohinọyị Anijipiti mẹ̀ vaa tẹ avaba aza ana sị ayị tụra a nị.

Ayịsaya 59:15

Ọzọza vị ene cheeche; ọza ana nyị ịhyẹrẹ ebira odivi vị ọnị ẹ yaa za mẹ ụngwẹ. Ịjị Ẹnẹyịmavara re ka ịzẹyịza ộ ta hụrẹ ẹtẹ, dị ayị anị du chuku-chuku nị.

Ijeremaya 11:3

Ọnị Ẹnẹyịmavara, Ohomorihi Anisirẹrị. O ree chì hị́ avaba aza ẹnẹ ẹ yị saasa ịrẹyị ọnị ẹnị dọ beri ẹngụ tụ ịnị anị.

Ezikẹẹrị 6:9

Ẹnị ẹnẹẹ vaa yà ẹkụra ana a za wa ọrịhị hị́ dị ẹyaa tamayị anị ka, agụvị ka ẹnị ẹ́ yị sị ayị yị ọnịnya, ẹnị aa dụ orii zị, ọnị maanị sị sị ụya rị ẹnị, dị ọnị mẹ̀ ụhị nyị ẹnị nị. Ịhyẹrẹ ẹngụ ẹnịnị vaa nyị ẹnị ụvọta agụvị avaba ịsị edivi ẹnẹ ẹnị mẹ, ana kụkụ vị ụhị yị ẹnị booro anị.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.