Ijeremaya 17:27 - IWE ỌNỊNỊ

²⁷ Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 17:27 ပူးပေါင်းရင်းမြစ်များ

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

2 Ịtọpa 36:19

Ịjị ọ raà kụ́ ẹnya ẹnẹẹ, dị ẹ rị irehi Ohomorihi ịra nị, di e wu ọvọ Ijerusarẹmị, dị ẹ rị irehi ohinọyị ịra, di e du avaba ẹnya ọkatarihi ha nị.

Ahẹ Ụgama 122:7

Ẹngwọọrọ vị ana vaa yà ịnị ẹkụra Ijerusarẹmị. A yi nyị ịsị e vee chire ọza angwa ini ohweje ohinọyị.

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ayịsaya 1:31

Aza awụ nịnị ana nyị ụkata vị ana vaa sị mẹẹ anka avị ana sị wụ avọọ. Ogu ọnị ọ kụ́ gụ vị ana vaa sị mẹẹ anka ịra avọọ. Dị ẹnị ẹyịva rị ịra va ha, dị ẹ yị nyị ọza ene zụ mi ọ.

Ijeremaya 17:24

Ọ kà Ijeremaya ọ̀ kà a yị aza ẹnẹnị ka, ẹnịnị ẹ̀ saasa avaba ọda anị. Asị ẹnịnị zi oze ana a zịị̄ ngụ Ijerusarẹmị chema ẹnya ọnyọọnyị ngụ eehi ẹkụhị ụhwọtụ. Ọ kà ẹnịnị ẹ sị ụvọ za ẹkụhị ọnọọ, ka ẹkụhị ọnị Ohomorihi sị tụ irenyi yị ẹngụ anị ọ vị nị. Asị ẹnịnị mẹ̀ ụkọrọ ọnyọọnyị vụrụ-vụrụ ịhị ọnọọ.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 18:1

Ẹnẹyịmavara ộ kà a yị Ijeremaya ka,

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 44:16

Ẹnị ẹ́ yị dọ ịrẹyị ọnị ọnị ka Ẹnẹyịmavara ộ tụ ọnị ka ọnị ọ̀ va ka aanị nị.

Ijeremaya 49:27

Ẹnẹyịmavara Ochẹtẹẹngụ ka ọnị vaa jị ịra da avaba irehi ene hi Ịdamasịkọsị. Irehi ohinọyị Ịbẹnịhadadị ịzị isoja nịnị yaa sere ẹtẹ vị ọnị ọnị vaa rị ịra bẹẹ.

Ijeremaya 52:13

Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Arụwẹ 4:11

Ịjị ọyịkụ Ẹnẹyịmavara hịrẹ ụna tu wa, dị ọ rị ẹkụra Ịzayọnị ịra na ka ẹtẹ nị.

Ezikẹẹrị 16:41

Ẹnịnị vaa rị irehi awụ nịnị ịra, dị ẹ navọ ka anyẹnẹẹ ọrụrụ-ọrụrụ è ré ụ maa rị ụya nịnị. Ẹnẹyịmavara kà ọnị vaa mẹ ka wa hụụnị ịrẹka ọ̀yị sẹ nịnị, dị ọnị mẹ ka a sị ụ rẹ kụkụ mẹ aza ẹnẹ ẹwụrị aa sẹ̀ ịrẹka nịnị ẹyịza.

Ezikẹẹrị 21:15

Ayị aza anị ẹ sị sụ enyi. Ẹ kụkụ aa vangga ọnị aa sị ụhwọ anaa za nyoonyo anka ịnyanya avọọ chire wa angwa. A sị ọ tenyi ka à sị wụ̀ aza.

Ezikẹẹrị 21:3

Ọnị, Ẹnẹyịmavara ọ́ sị vara ọnịvị awụ nịnị o, ọnị vaa tụ̀ ụhwọza anị, dị ọnị wụ̀ avaba awụ nịnị ha, hi ọza ọyịza, hi ọza odivi awụ nịnị.

Ezikẹẹrị 22:8

Wẹ́ yị sị ụbanyị yị aha ọnịnị Ohomorihi nịnị, dị wẹ̀ yị rẹ sị ụbanyị yị ẹkụhị ụhwọtụ anị nịnị nị.

Ezikẹẹrị 23:38

Ẹ́ yị vị ọnọọ kẹnẹ ẹ́ mẹ; ẹnịnị ê dụ Irehi ahẹkẹ anịị ẹngụ; ẹnịnị ẹ́ yị sị ụbanyị yị ẹkụhị ọnị nyị ka ọ̀ vị ẹkụhị ụhwọtụ yị ọnị.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Emọsị 1:10

Ọ kà ọnị vaa rị ọvọ ẹkụra ọnịrị irehi ohinọyị ẹnịnị ịra.

Emọsị 1:12

Avọọ, Ẹnẹyịmavara kà ọnị aa sị ịra hụ́ ẹkụra ọbanyị ẹnịnị ana aa hị́ Itemani ọnịrị irehi Ibozira ohinọyị ẹnịnị.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Emọsị 1:4

Ẹnẹyịmavara kà ọnị vaa jị ịraa da irehi ohinọyị Ịhazayẹrị ọnịrị Idi ohinọyị Ịbẹnịhadadị.

Emọsị 1:7

Ẹnẹyịmavara kà ọnị vaa rị ọvọ ẹkụra Igaza ịra beri aha ọyịtẹ̀ ẹnịnị.

Emọsị 2:2

Agụvị avọọ ọnị vaa sị ịra du ẹtẹ Imowabi ha, dị ọnị rị avaba irehi ohinọyị ẹnịnị ana ya Ikeriyoti ịra va ha. Owu ịrẹkụ vị ana vaa dọ ẹtẹ, dị ọnịvị ẹnịnị ee hú ịkakanchị ẹ maa wụ́ Animowabi nịnị vaa ha.

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?