Ijeremaya 17:25 - IWE ỌNỊNỊ

²⁵ Ọnọọ vaa mẹ ka ohinọyị nịnị vanaa rị Ijerusarẹmị dị a sị ụkata ohinọyị yị ẹnịrị ezi ẹnịnị anka ohinọyị Idevidi. Ẹnịrị Anijuda nịnị beri Anijerusarẹmị nịnị vaa tụra ụkẹkẹ ịrẹkụ ọnịrị umaata, dị Ijerusarẹmị kụkụ vị ohihi yị aza pooro kẹnẹ.

Ijeremaya 17:25 ပူးပေါင်းရင်းမြစ်များ

2 Ịsamụwẹrị 7:16

Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

2 Ịsamụwẹrị 8:4

Idevidi ộ za isoja Ihadadeza anaā tụra umaata ịrẹkụ ẹnị akahị tụra akatarẹchẹhị (1,700) Dị ọ rẹ za isoja anị anaā sịị ahụụ zị ẹnị akawụ-akawụ oze ẹẹwụ nị. Dị ọ tụ́ avaba ẹnịnị ọkụmị dị ahịka isoja anaā tụra umaata ịrẹkụ ẹnị ẹchẹhị kẹnẹ ọ vọ nị.

Ọyịkụra 12:14

Ẹkụhị ọnọọ vị ọnị ụ vaa tamayị anị nịnị pooro. Ezi ịrẹma-ịrẹma ana aa vẹ vị ana vaa tamayị ẹkụhị ọnọnị, dị ẹ yaa rị eche anị dị ẹ̀ sịị kụ́ ọnị Ẹnẹyịmavara avọ. Eche ọnọọ vị ẹnị ẹ vanaa rị pooro zịna.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 13:13

Ọ kà ịjọnọọ, dị Ijeremaya vaa ka ẹ yị wa ọgọnị ka ọnị Ẹnẹyịmavara vaa và avaba anẹkụra ọnọnịị zí anka aza ana a kà eche avọọ. Ọ kà ohinọyị ẹnịnị ana yaatụ ịrẹsụ aga ohinọyị Idevidi vị ọnị ọnị vaa kà eche, ẹnị ohirẹsụ irehi Ohomorihi nịnị, ọnịsẹ nịnị ọnịrị avaba Anijerusarẹmị vị ọnị ọnị vaa kà eche.

Ijeremaya 22:2

Ẹwụ ohinọyị Ijuda, ana yaatụ ịrẹsụ aga ohinọyị Idevidi, ẹwụrị ezi ahụ awụ beri avaba Anijerusarẹmị ọ̀ wụ́ ịrẹyị ọnị Ẹnẹyịmavara kà.

Ijeremaya 22:30

Ẹnẹyịmavara kà ọnị ọ sị ọkarẹyị mẹ yị ọnọrụ ọnọnị ka avaba ezi anị vaa jị ọ ụvọ. E yị vee zee yọ. Ẹ yị nyị ịpa anị ana vanaa yaatụ ịrẹsụ aga ohinọyị Idevidi ọ̀ yị mẹ ohinọyị ẹtẹ Ijuda paa.

Ijeremaya 22:4

Ọ kà wàa sị ịzẹyịza aa saasa ọda ọnị ọnị mẹ yị ụ nịnị aanị, evere Idevidi ẹyị vaa vị ohinọyị awụ nịnị pooro nị. Ẹnịrị ezi ahụ ẹnịnị beri Anijerusarẹmị nịnị vaa tụra ịkẹkẹ ịrẹkụ ọnịrị umaata zị oze ana a zịị̄ ngụ irehi ohinọyị nịnị aanịị parahu.

Ijeremaya 25:5

Ọnịsẹ ẹnẹẹ ệ kà a wụ nịnị ka wa và hụụnị ẹhẹ odivi ọnị waa rá nịnị ọnịrị ebira odivi ọnị waa mẹ nịnị. Ẹ ka wa và hụụnị anị nịnị agụvị dị wa yị zụụ ra ịnị ẹtẹ ọnị Ẹnẹyịmavara sị yị ẹwụrị ohiku awụ nịnị pooro aanị.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Ijeremaya 33:17

Ẹnẹyịmavara kà, ezi Idevidi ẹ vaa rị ohinọyị Isirẹrị pooro nị.

Ijeremaya 33:21

Ịjọnọọ a vaa zụ kụ ịzẹzẹ ọnị ọnị zẹẹ yị Idevidi ozi ahụ anị kwooze dị ezi anị ẹ́ yị kụkụ rị ohinọyị nị. Ịjọnọọ á rẹ vaa zụụ kụ ịzẹzẹ ọnị ọnị zẹẹ yị Anireevi kwooze ka, asị ẹ́ kụkụ vị ohirẹsụ irehi Ohomorihi nị.

Ijeremaya 7:3

Ẹ̀ wụ́ ụtụ ọnị Ẹnẹyịmavara Ochẹtẹẹngụ Ohomorihi Anisirẹrị nịnị tụ; ọ ka, vara ebira awụ nịnị dị wa hụụnị ịsa ọnị waa mẹ nịnị aanị, ọnị vaa navọ ka wa ra ịnị ẹtẹ ọnọnị nịnị.

Ijeremaya 7:7

Ịjọnọọ ọnị vaa navọ ka wa ra nịnị ịnị ẹtẹ ọnọnị ọnị ọnị sị yị ohiku awụ nịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 17:16

Ohinọyị ẹ yị vaa nyị umaata rụrụ yị isoja anị, dị ẹ yị vaa tụ aza nọ Ijipiti na hị́ umaata agụvị ka Ẹnẹyịmavara ộ raà kà a ka asị aza anị varẹma nọ Ijipiti.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

1 Ịsamụwẹrị 8:11

Dị Ịsamụwẹrị ka, “wàa sị ohinọyị nyị nịnị, ịsị ọ vaa mẹ yị, o! Ọ vaa za ezi ewu nịnị dị ọ kụ́ wa hi ini isoja. Aza ẹnyị vị ọnị ọ vaa kụ́ hi ịnị isoja ana aā sị ịkẹkẹ oni umaata ee turaa kù ịrẹkụ, dị ọ kụ́ aza ẹnyị hi ini isoja anaā sịị umaata kụ́ ịrẹkụ. Aza ẹnyị vị ọnị ọ rẹ vaa kụ́ ka è hi ọvịdị umaata anị di ee zwe echi.”