Ijeremaya 17:18 - IWE ỌNỊNỊ

¹⁸ Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 17:18 ပူးပေါင်းရင်းမြစ်များ

Ijoovu 16:14

Ệ yị za ụvọ jẹẹ vụrụ-vụrụ ọ maa tọ ọnị ụnava. Di ọ kụ chire ọnị anka isoja avọọ nị.

Ahẹ Ụgama 35:4

Navọ wa tẹ aza ene ee sì ka ẹnị ẹ̀ wụ̀ mị, dị ụhị ọ̀ nyị wa Aza ana aa gẹ eyi amị ka ẹnị è vú mị ẹtẹ aanị, navọ ahịka ụhị ọ va nyị wa dị ẹ varẹma nị.

Ahẹ Ụgama 35:8

Ohomorihi, navọ ịsa odivi ene è yi tụra eyi anị vụrụ-vụrụ ò chi kú wa ịrẹsụ. Navọ ịrẹpa ẹnẹ ẹ và, ọ̀ vara eyi za wa Navọ ahịka ẹnị ẹ rẹ hyẹdụ ne ngụ ịnị ụsị ẹnị ẹ chi zi mi di è vú ẹtẹ tụ́ ịzọọ.

Ahẹ Ụgama 40:14

sì ka ẹnị ẹ dọ mị ụhwẹ Aza ene ee sì ka ẹnị ẹ̀ wụ̀ mị, navọ ụhị ọ̀ nyị wa dị ẹ sị varẹma.

Ahẹ Ụgama 70:2

Navọ wa va mẹ̀ ụhị nyị aza ene ee sì ka ẹnị ẹ̀ dọ mị ụhwẹ. Navọ asị ẹnịnị kụkụ yẹ ịsị ẹ yaa mẹ.

Ahẹ Ụgama 71:1

Ẹnẹyịmavara, ẹwụ mị sị ayị tụra nọ, aarịhịnị asị ụ mẹ̀ ụhị nyị mị.

Ijeremaya 1:17

Ijeremaya ka Ẹnẹyịmavara ọọ ka yị ọnị ka, ọnị o tenyi ẹngụ anị, dị ọnị ọ̀ kà a yị Anijerusarẹmị nịnị avaba ịsa ọnị ọnị ọ̀ọ mẹ ọda yọ, ọ ka, asị ọnị hụvị ẹnịnị hụrị ayịnẹ ka ẹ̀ẹ vị avọọ vị ọnị aa mẹ ayị hụrị ọnị ịnẹ nị eyi ẹnịnị nị.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 12:3

Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ijeremaya 17:16

Ijeremaya ka, ama, Ẹnẹyịmavara, ọnị ẹ́ yị kà a ka wa kụ́ ẹngụkata ve tu wa o. Waa yẹ ka ọnị ẹ yị va ụva ka à nyị ụmẹ ọnị ẹngụkata si tu wa. Waa yẹ ịsị ọnị kà.

Ijeremaya 17:19

Ijeremaya ka, Ẹnẹyịmavara ộ kà a yị ọnị ka, ọnị ọ̀ nọ enoze ọnị ohinọyị Ijuda zịị̄ ngụ ịnị ẹkụra dị ọ rẹẹ̄ zị avọọ tụ ẹhẹ, dị ọnị ọ̀ rẹ nọ avaba oze ana vọ ana a zịị̄ ngụ Ijerusarẹmị, dị ọnị ọ̀ na nọ̀ọ ụtụ anị ọnọnị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Iwe Ọhụhị Imosiisi ana aa hị́ Ọyịvatụrọda 33:11

Ẹnẹyịmavara navọ wa sị ụkata yị wa. Ayị awụ o hine tụ ịnị ịsị ẹ yaa mẹ. Vú ọnịvị ẹnịnị ẹtẹ, asị ẹ vana zụ kwẹẹtẹ tu wa pooro.

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.