Ijeremaya 17:17 - IWE ỌNỊNỊ

¹⁷ Ọ kà Ẹnẹyịmavara, ọ̀ navọ asị o chire ọnị angwa; Ụmẹ ọnị ẹngụkata ọọ vẹ, ịdị anị ọnị vaa tẹ̀ ka asị a nyị ịsị ẹ mẹ̀ ọnị nị.

Ijeremaya 17:17 ပူးပေါင်းရင်းမြစ်များ

Ijoovu 31:23

Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.

Ahẹ Ụgama 41:1

Ẹngụ aza ana ahịka eē ro ịrẹyị onosiye ẹ̀ nyarị ịrẹsụ ọyịza Ụmẹ ẹnị ẹngụ aza ẹnẹẹ ẹ̀ẹ nyị akanya, Ẹnẹyịmavara vị ana aa dọ waa tụ́.

Ahẹ Ụgama 59:16

Ama ẹmị vaa jị ahẹ dị maa kà a ụ mẹmẹ nyị ụkata Ẹnẹnẹ vị ọnị mị vaa jị ahẹ ka ụụ̄ sì ịrẹyị ọza Ịrẹyị ọ̀ọ vẹ, ịda awụ m mee zwe vaa tẹ nị Ewee sere mị ka asị a nyị ịsị ẹ mẹ̀ mị nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ijeremaya 17:7

Ọ kà, ama, ọnị vaa mẹ ka ò zé yị ọza anaa sị ayị tụra ọnị.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Ịnahụmị 1:7

Ẹnẹyịmavara vị anaā mẹ̀ ọyịza. Ọnị e sere aza ene zwe na rị ọ ịnị ụmẹ akanya nị. Ọ̀ tẹsị aza ene zwe na vaka a nị.

Anẹhwẹsọsị 6:13

Agụvị avọọ kụ́ avaba ẹnya ịrẹkụ oni Ohomorihiī sịị yị ọza nịnị, agụvị ịhị ẹkụhị odivi ọ̀ọ vẹ, wa zụ và eyi kà ọnịvị awụ nịnị. Wàa sị ịrẹkụ kụ̀ ta nịnị, dị ahịka ụ yị jẹẹ udi awụ nịnị nị.