Ijeremaya 17:12 - IWE ỌNỊNỊ

¹² Ẹnẹyịmavara, irehi awụ vị ana sị mẹẹ anka aga ohinọyị ana nyị ụbanyị ẹtẹẹtẹrẹ, hụrị ẹtẹẹtẹ á hụrẹ dàa ịrẹsụ ataba ana nẹba nị. Ịzọọ ị yaā hẹkẹ wụ nị.

Ijeremaya 17:12 ပူးပေါင်းရင်းမြစ်များ

Ahẹ Ụgama 103:19

Ẹnẹyịmavara ọ raà rị ohinọyị tụ́ ẹbẹẹba ọnị aa mẹ ohinọyịị tụra avaba anẹhẹ nị.

Ahẹ Ụgama 96:6

Ẹnẹyịmavara vị ana nyayịnẹ nyị ụbanyị, avọọ ọ mẹ rẹ nyị ụbanyị ọnịrị ụkata ini irehi anị nị.

Ayịsaya 6:1

 nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ijeremaya 14:21

Ẹ ka Ẹnẹyịmavara ọ̀ navọ, ọ̀ tamayị ịrẹyị ọnị ọ́ ka, dị asị o sị eyi para ẹnị hu. Ẹ ka aarịhịnị asị ọ maanị mẹ̀ ụhị nyị Ijerusarẹmị, ịzị ọ sị aga ohinọyị anị ana maanị nyị ụbanyị hi ẹtẹ. Ẹnẹyịmavara ọ̀ navọ asị và hụụnị ịrẹyị ọnị ọnịrị Anịjuda nịnị dọ beri ẹngụ tụ ịnị anị.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ezikẹẹrị 1:26

 nyị aga ohinọyị ana yà akẹbẹẹba ịsị a gana aanị, dị á nyị ịsị ẹ sị mẹ anka ọza avọọ ana yaatụ ịnị anị nị. Aga ohinọyị ọnọọ vị ana a sị ịrẹta ana aā hị́ ịsahwaya mẹ,

Ezikẹẹrị 43:7

ozi-ọza, ọnị Ẹnẹyịmavara ọ́ raa sị aga ohinọyị hi ẹtẹ ịzị ẹnị o. Ịzị ẹnị ọnị vaa rá ịnị akakana Anisirẹrị nịnị, dị ọnị vị ohinọyị ẹnịnị pooro nị. Anisirẹrị nịnị à vị ohinọyị ẹnịnị ẹ́ yị ma vana na mẹ̀ ori. Ẹnịnị é yị me vene ne oku ohinọyị ẹnịnị tụ ịzẹnị, dị ẹ̀ sị mẹ̀ ụhị nyị ịrẹha ọnị Ẹnẹyịmavara.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.