Ijeremaya 17:11 - IWE ỌNỊNỊ

¹¹ Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ijeremaya 17:11 ပူးပေါင်းရင်းမြစ်များ

Ijoovu 20:21

Ẹnịnị ẹ mā rị ịsa vọ ẹtẹ. Agụvị avọọ avaba ogu ọnị ẹ̀ẹ nyị vị ana ta hi wa ụvọ.

Ahẹ Ụgama 49:13

Jẹẹ ma kà a wụ ịsị e vee tù aza ana sị ayị tụra ẹngụ ẹnịnị ọnịrị aza ana sị ọtụ kà wa ịrẹma ka ịsa ẹnẹ ẹ yaa ka ô zoza.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ụhịrẹyị 13:11

Ẹkẹhị ịrịra o mē ku dị ọ ta ama ututo ẹkẹhị sị gụ nị.

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

Ụhịrẹyị 21:6

Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ụhịrẹyị 28:16

Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo.

Ụhịrẹyị 28:20

Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

Ụhịrẹyị 28:8

Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.

Ijeremaya 22:13

Ọza ana mẹ ọzaa rị dị ọ sị dà irehi, ọ sị da. Ọza ana mẹ ọza irikichi dị aa sịị dàa tụra irehi anị, ọ́ sị da. Ọza anaa zá ọnọhụva ka, ọọ mẹ̀ ụkọrọ ọọhẹ yị ọnị, dị e yi si wa ụta, ọ sị da.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Imika 2:9

Ese aza Ohomorihi vị ọnị ụ dụ hụụnị eehi ozoza ẹnịnị. Ịsa oni Ohomorihi sị yị ezi ẹnịnị ana vị ụbanyị ẹnịnị, dị ụ dọ wa, dị ụ tụ wa avosus tinatibe nị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Ịzẹhwanaya 1:9

Ịhị ọnọọ, Ẹnẹyịmavara vaa sị ụya rị aza ana aa saasa ori ọnịrị aza ana aa sị àko ọnịrị apẹ kụ́ ogu aza nee hi ịnị eehi ọga ẹnịnị.

Ịzakaraya 5:4

Ẹnẹyịmavara Ochẹtẹẹngụ kà, ọnị vaa tụ́ ọ ahị hi ẹhẹ, dị ọ ngụ ịnị eehi oyi ọnịrị ọza ana hị́ eku uruku, dị ọ jị irehi ẹnịnị eburu.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

1 Itimoti 6:9

Ama aza ana aa dụ ụbanyị vaa hụrẹ ngụ ịnị ẹzamare. Ịsa ene eyee sì, vị ịsa ụra ana zụ mẹ wa ọnya; ịrẹpa ịsa ẹnẹẹ ọ sị wa za. Ẹngụ ịsa ẹnẹẹ vị eneē vú ọza saka-saka, dị áanị ta nị.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.