Ijeremaya 16:18 - IWE ỌNỊNỊ

¹⁸ Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 16:18 ပူးပေါင်းရင်းမြစ်များ

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ayịsaya 40:2

Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Ayịsaya 61:7

Agụvị ụhị oze ẹẹva ene tu wa ịnị ẹtẹ ẹnịnị. Ẹnịnị vaa ra aha ọbanyị oze ẹẹva dọ ịrẹsụ. Ẹ vaa nyị ogu oze ẹẹva ịnị ẹtẹ ẹnịnị, Ẹ vaa jẹ ịrajẹ pooro-pooro-pooro nị.

Ayịsaya 65:6

Me ree tenyi ẹngụ ụya ẹnịnị, a sị ọkarẹyị ẹnịnị chẹrẹ tịtẹ ọvịdị amị. Mẹ yị vaa sị eyii hụụnị ịsị ẹ mẹ, mi vee sí wa atọ.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 3:9

Isirẹrị ọ sị ẹkụra du. Ịrẹta ọnịrị ọchị ọnị ọ naa hẹkẹ vị ịrẹka ọyị sẹ yọ. Ịrẹka ọyị sẹ vị ịsa oweyi eyi anị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 7:30

Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ezikẹẹrị 11:18

Ịjị ẹnịnị ẹ̀ẹ vavẹ ẹtẹ Isirẹrị, ẹnịnị vaa kụ́ avaba ịsị ịdọtị ọnịrị ori anaa nyị ọnị ịhyẹrẹ aanị kwooze.

Ezikẹẹrị 11:21

Ama ọnị vaa sị ụyaa rị aza eneē sì ka ẹnị hẹkẹ ori ịyẹyẹ-ịyẹyẹ anaa nyị ọnị ịhyẹrẹ. Ọnị Ẹnẹyịmavara Ananyị ụkata hu kere-kere ka ọnị vaa sị ụyaa rị wa agụvị ịsị ẹnịnị mẹ.

Ezikẹẹrị 36:18

Ọnị ộ sị ọyịkụ anị zụ wa ẹtẹẹtẹrẹ agụvị aza ẹnẹ ẹ́ wụ ịnị ẹtẹ ẹnịnị ọnịrị agụvị ori ẹnẹ ẹ́ sị ngụ ẹtẹ ẹnịnị agụ.

Ezikẹẹrị 5:11

Ẹnẹyịmavara Ohomorihi ka, ọnị ọ̀ọ yị yá ịzọọ da, agụvị ka ẹwụ nịnị Anijerusarẹmị ọ́ raa sị ịsị edivi-edivi anaa nyị ọnị ịhyẹrẹ du irehi anị ẹngụ nịnị, ọnị ẹ́ yị vaa vayị awụ nịnị dị ọnị ọ̀ và wụ nịnị nẹtẹ.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ireevi 26:30

Ọ kà ịzị ẹyaa mẹ ahẹkẹ ịrẹsụ ataba vị ọnị ọnị vaa garaa ha, dị ọnị che ụta ẹnẹ ẹẹ̄ rị eturare ịra ịnị anịị va ha. Oku ẹnịnị vị ọnị ọnị vee ne vàa ku ori ẹnịnị ịrẹsụ. Ẹnịnị vị anaā vana nyị ọnị ịhyẹrẹ

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.