Ijeremaya 16:17 - IWE ỌNỊNỊ

¹⁷ Ọ kà ọnị ee ré avaba ịsị ẹyaa mẹ. Ẹ́ yị nyị ịsị ẹ tẹ̀ yị ọnị. Ebira odivi ẹnịnị vị ọnị ọnị ee ré saka-saka.

Ijeremaya 16:17 ပူးပေါင်းရင်းမြစ်များ

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Ijoovu 10:14

Ọnị ọ̀ọ mẹ̀ ebira odivi dị ọ za ọnị dị ọ sị ụya anị rị ọnị.

Ijoovu 31:4

Ijoovu ka Ohomorihi ee re ịsa tụra ịsa ọnị aa mè ọnịrị avaba ahụ ọnị ọnị ee hu.

Ahẹ Ụgama 109:15

Ẹnẹyịmavara, waa tamayị ịvị ẹnị ẹ mẹ, dị wa mẹ ka è hi ayị ẹnịnị ịnị ẹhẹ.

Ahẹ Ụgama 139:3

Màa mẹ̀ ụkọrọ, màa tụ́ ụhwọ kẹnẹ wee re mị, nyị ịsị maa mẹ̀ oni wè yi re.

Ahẹ Ụgama 33:15

Ọnị ọ mẹ ka aza è zụ ro ịrẹyị, Ộ yẹ avaba ịsa ẹnị ẹ yaa mẹ.

Ahẹ Ụgama 51:9

Navọ wa si eyi hụụnị ebira odivi ọnị mị mẹ, dị wa nyịna mị hụụnị avaba ịsa odivi ọnị mị mẹ.

Ahẹ Ụgama 90:8

Wâ yẹ avaba ebira odivi ọnị yaa mẹ, ẹ yị nyị ikonya ọnị ụ wẹ̀ yị yẹ.

Ụhịrẹyị 15:3

Ẹnẹyịmavara e re avaba ịsa ana a ná. Ee re odivi ọnịrị ọyịza ana aza aa mẹ̀.

Ụhịrẹyị 5:21

Ẹnẹyịmavara ee re avaba ịsa ọnị waa mẹ̀. Ọ yẹ avaba ụsẹ ọnị waa zị.

Ayịsaya 29:15

Wa sị dà nịnị, ẹwụ nịnị ana aa mẹ eto di ụ ka asị Ẹnẹyịmavara yẹ nịnị. Mị ka wa sị dà nịnị, ẹwụ nịnị ene ee weree mẹ ịrẹyị di wee ro o nịnị ka ẹ yị nyị ọza ene ee re wu nịnị. Ụ ka ẹ yị nyị ọza ana yẹ ịsị waa mẹ nịnị.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ijeremaya 2:22

Ẹnẹyịmavara Ohomorihi ka ẹnịnị ẹ̀ẹ daka sị ụkwọ ene zoza hu kere-kere dị ẹ sị hụ enyi nị, vị ọnị ọnị ee yii re ịdọtị ebira odivi ẹnịnị.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijeremaya 7:11

Ẹnẹyịmavara kà, vị irehi anị ọnọnị waa sị vara aha ọyị tẹ̀ yị anako nịnị nị? Ọnị ee re avaba ịsị waa mẹ nịnị o.

Ezikẹẹrị 8:12

Ohomorihi ộ họ̀ ọnị use ka, ozi-ọza, ọnị wee re ịsị ọdọvịdị Anisirẹrị nịnị aa mẹ ịnị ewere? Ẹnịnị ẹẹ kụ ẹngụ hi ịnị aku ana va uhwoto ịsị irenyi-irenyi hi, dị ẹyaa mẹ ori nị. Dị ẹ ka, Ẹnẹyịmavara ọ́ sị ẹkụra ẹnịnị hụrị ụvọ, é yi kuku re ẹnị.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Ịzẹhwanaya 1:12

Ẹnẹyịmavara kà ọnị vee hu ịra si aza ene hi Ijerusarẹmị, dị ọnị ọ tana ụvọ za wa. Ẹnịnị vị ana sị ọkakara yaayịtẹ ka ẹ yị nyị ịsa ọnị vaa mẹ, ọ̀ọ vị odivi ọ̀ọ vị ọyịza.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.