Ijeremaya 16:16 - IWE ỌNỊNỊ

¹⁶ Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ijeremaya 16:16 ပူးပေါင်းရင်းမြစ်များ

Oyinyima 10:9

Ẹnẹyịmavara ộ sị ụkata yọ ka ó yara zube. Ọnị a sịị̄ kà a ka Ẹnẹyịmavara ọ̀ sị ụkata yị wụ anka ọ mẹ̀ sị ụkata yị Inimirodi ka ọ̀ yara zube.

Ayịsaya 2:21

Ịhị Ẹnẹyịmavara ọ̀ọ kwẹẹtẹ di o henyi ẹhẹ nị, aza vee re ụbanyị anị dị eyee zwe naa ngụ ịnị ụtẹha ọnịrị ụsị ini eteesu ángwa òo mèe hí wa.

Ayịsaya 7:19

Ẹ vavẹ dị ẹ va gara hi ini ozi ọnịrị ịnị ụtẹha. Dị ẹ vavọọ chaka kú avaba avị ene hi ịzọọ.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 4:29

Ịjị ẹ̀ẹ wụ̀ isoja nịnị ịrẹka kẹnẹ, avaba aza ene hi ịnị ẹkụra vaa kụ echi. Aza ẹnyị vee zwe naa tẹ̀ ịnị iruku, dị ẹnyị aa hịrẹ ataba. Avaba ẹkụra vaa tụ osusu, dị ẹ yị kụkụ nyị ọza ịnị anị.

Ijeremaya 49:5

Ẹnẹyịmavara kà, re, ọnị vaa kụ ayịhụrịnẹ tu wu nịnị hụrị eyi ẹnyị eyi ọsa. Avaba awụ nịnị vee zwè, ọzọza vee zwè agụvị ẹhẹ anị. Ẹ́ yị vaa nyị ọza ana vaa kụ aza awụ nịnị ene zwè na tẹ̀ẹ gụ.

Ijeremaya 6:9

Ijeremaya ka, Ẹnẹyịmavara Ochẹtẹẹngụ ô kà a yị ọnị ka, ọnịvị ẹnịnị vaa hụ́ azaa hụrị Ijerusarẹmị saka-saka anka ụbazị ana a tọ̀ọ́ avaba ẹtụtụ ọchị anị avọọ. Ọ kà ẹ̀ varẹma và tụra a anka aza anaa tọ̀ ọ ẹtụtụ ọchị avọọ.

Arụwẹ 4:18

Agụvị ọnịvị ayị enee bè yi ahụ-ahụ, yẹ yị kụkụ nyayịnẹ va tụra oze. Dị ẹ kà, eyi ayị ọ sị nị ọ, a sị ẹkụhị ayị za ịrịka, ayị ộ ta o.

Arụwẹ 4:19

Ẹnịnị ẹ rẹ huni ọkasịmẹ, ẹ maa dụ ẹnị chi ataba. Ệ dụ yị na ngụ ịnị ataba. Ịnị ụnọmị ọnị yị ka ya na tẹ̀ vị ọnị aza anaa dụ aanị na tẹ̀ hí ee zi yị.

Ihoseya 10:10

Ộ kà ọnị a va eyi ịrazị ka wa. Ọnị vaa tụ́ isoja anẹkụra ana vọ ka ẹ sị ụya rị wa agụvị ka ẹnịnị ẹ̀ mẹ ịvị ẹnẹmẹhị.

Emọsị 4:2

Ẹnẹyịmavara Ochẹtẹẹngụ ọ hị́ eku ka ọnị a mẹ yị wa. Ọ kà ụmẹ aa vẹ ọnị aza vaa kụ́ wa nọ ẹkụra ọsa anka a mẹ sị arị tura ivovo hụụnị enyi avọọ nị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ịzẹhwanaya 1:12

Ẹnẹyịmavara kà ọnị vee hu ịra si aza ene hi Ijerusarẹmị, dị ọnị ọ tana ụvọ za wa. Ẹnịnị vị ana sị ọkakara yaayịtẹ ka ẹ yị nyị ịsa ọnị vaa mẹ, ọ̀ọ vị odivi ọ̀ọ vị ọyịza.

1 Ịsamụwẹrị 24:11

Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

1 Ịsamụwẹrị 26:20

Navọ asị ụ wụ̀ mị tụ́ ịnị ẹtẹ ọzọga ẹnẹ ẹ̀ yị vị ịda Ẹnẹyịmavara. Taarụ, ẹwụ ohinọyị Isirẹrị ọyịvụrụ ọ sị kwẹẹtẹ aa dụ mị ana ahịka ịsị mị vị nị. Waa dụ mị anka ọza àa dụ irekwose ịnị ataba avọọ.”