Ijeremaya 15:7 - IWE ỌNỊNỊ

⁷ Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị.

Ijeremaya 15:7 ပူးပေါင်းရင်းမြစ်များ

Ahẹ Ụgama 1:4

Ama ẹhẹ aza edivi ẹ yị vavọọ vee zoza! Ẹnị vị ana sị mẹẹ anka azịzẹ ana ahị ee hiraa zị avọọ.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 51:2

Ọnị vaa tụ́ anẹkụra ọsa ka è ve vu Ịbabịrọnị ẹtẹ anka ahị mẹẹ kụ ẹchịchị avọọ. Ịhị ẹkụhị ẹngụkata ẹnịnị oo tu, ẹ vaa kwẹẹtẹ tù waa zị oze ụvọnị-ụvọnị, dị ẹ tụ́ ọ ahwaahụ.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ezikẹẹrị 24:25

Ẹnẹyịmavara kà, ozi-ọza, ọnị vaa kụ Irehi anị ana vị aha ụkata Anisirẹrị nịnị aanị kwooze hụụ ịdị ẹnịnị. Irehi anị vị ẹnẹ ẹyaa sịị me eyi, dị ọ vị ayohine ẹnịnị. Ẹnịnị ê sì ka ẹnị ẹẹ vẹ́ ịnị anị, dị ẹnị ee re e. Ọnị rẹ vaa kụ ezi ọnọrụ ọnịrị anẹẹ ẹnịnị kwooze.

Ezikẹẹrị 36:12

Ọ kà ọnị vaa kụ́ ẹwụ nịnị aza anị Anisirẹrị vàa vẹ, dị ụ varẹma va ra ịnị ẹtẹ awụ nịnị. Ẹtẹ awụ nịnị ụvọta ọ́ vaa vị̀ nị; ẹ́ yị ma vana sị ụngwẹ kụ̀ ezi ewu nịnị.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Iwe Ọhụhị Imosiisi ana aa hị́ Ọyịvatụrọda 28:18

Ẹnẹyịmavara vaa sị ụyaa rị wụ nịnị, dị ọ mẹ ka a sị u re ozi ma puuru nịnị. Ịsị ịnị aarẹ awụ nịnị ẹ yị vaa mẹ puuru. Imaaru awụ nịnị ọnịrị atẹmẹ awụ nịnị e yi vee re ezii ma puuru.

Iwe Ọhụhị Imosiisi ana aa hị́ Ọyịvatụrọda 28:32

Aanị ụ me vee re ẹtẹ dị a za ezi anọrụ awụ ọnịrị anẹẹ ọrịhị aa nọ ẹkụra ọsa nị. U vee zi wa eyi eyinị-eyinị, di o du wu eyi, ama ẹ yị nyị ịsị ụ vaa zụ mẹ ka a sị a kụ wa na.

Iwe Ọhụhị Imosiisi ana aa hị́ Ọyịvatụrọda 28:41

Ụ vaa ma ezi ọnọrụ ọnịrị anẹẹ nịnị, avaba ẹnịnị vaa jị wụ ụvọ, agụvị ka vị a vaa kụ́ ịrẹkụụ vẹ, dị a za wa ọrịhị ne hi ẹkụra ọsa nị.